莆田 (美麗華廣場2期) (Closed)

同啊媽食首選一定中菜為主～今日Shopping 完黎試下呢間福建菜，D野都幾特別又岩啊媽食，晚餐都好多人，如果遲少少仲要等位，心諗好彩早D黎鐵板鹽焗蟶子 ＄198 /2 份燒到熱辣辣咁上枱，市面上都比較少有用鐵板鹽焗既方式整海鮮，排列好整齊，睇到都幾得意。可惜食落就有少少沙同邊位有少少乾但整體都唔錯冰爽酒糟蟶子 ＄198 /2 份個名叫冰爽估唔到D肉質真係幾爽下，酒味唔會太濃，愛酒味既人或者會覺得酒味偏淡。但同樣都係有沙，啊媽都有少少失望興化米粉呢款米粉粉質比較幼，炒得好鬆又唔會一嚿嚿。材料有蜆肉、大蝦、紫菜、花生、冬菇，材料唔算好豐富但食落係一種風味。啊媽都話感覺似家鄉菜百秒黃花魚黃花魚食得多但佢個名因為叫百秒～所以好奇下就叫咗，試下咩叫百秒黃花魚上枱時係用一個鍋上，用咗好多薑所以一D都唔腥。黃花魚唔算好大條不過2個人食都夠。條魚都好多骨，要小心咁食但魚好新鮮。百秒既意思應該係講烹調時間，所以愛魚之人都會覺得煮既時間岩岩好，肉質正啊總括，小妹覺得現場人手好似有少少唔夠，因為現場幾次叫侍應都無人回應，不過食物質數同上枱速度都算快～