OMG Chicken (Closed)

*此餐廳收取加一服務費。二人餐（單點$278），烤雞，法式蜜糖汁烤雞，烤雞肉質外脆內嫩，食落啖啖肉，表面裹滿蜜糖汁，味道香甜，另有蜜糖芥末汁、沙律。千島大蝦海鮮薄餅（跟餐$20），表面鋪有芝士、千島醬，海鮮包括有大蝦、珍珠帶子、蜆肉、魷魚，食落有鮮味，配料包括有青紅波椒、紫洋蔥、菠蘿。小食（跟餐$0），洋蔥圈，口感香脆，但外層脆皮面衣與洋蔥食落係分開嘅，一食到洋蔥就會唔覺意扯到成條洋蔥出嚟，之後唯有齋食脆皮面衣，自家製番茄醬偏向茄蓉質地。是日沙律（跟餐$0），有生菜、青瓜、車厘茄、粟米，配以醋汁食用，味道更佳。2碗是日餐湯（跟餐$0），西蘭花忌廉湯，口感幼滑，味道清甜。飲品（跟餐$0），凍即磨咖啡，漸層效果分明，有奶泡、鮮奶、咖啡、糖漿。飲品（跟餐$0），凍檸檬茶，味道酸甜，飲落好清爽。