祥利車仔麵 (西洋菜南街) (Closed)

這裡的自選車仔麵可選原件花膠勁吸引，當然叫咗一份嚟試，再加一個食，2人勁飽肚價錢都可以。 車仔麵一大碗嚟到，花膠一夾起都幾大片，口感膠質豐富又滑好味。選了豬骨湯底配腩汁，幾鮮甜仲帶點牛腩香，原來湯底用咗6小時來煮成十分好味。花菇煮得好入味濃濃的岩我。蘿蔔幾甜份量不少，麵要了粗麵，配上辣椒醬勁惹味，辣味慢慢浸出嚟整體有驚喜。 這裡仲有不少日式食物可當車仔麵餸，在定食裡的流心蛋原來都可以當餸，推介必食。义燒都幾特別下次嚟再試。 除咗車仔麵，9格定食都幾大份而且岩晒我心大心細，因餸款式有8款餸和一個花膠湯，配白飯和烏冬。 本人一般豬手，這店的又錯，不會好油之餘，又不會好咸，細細舊不錯。豬軟骨的肉好淋身而軟骨爽口，勁入味。醉雞的酒味都幾重啱我，好入味。最後仲有爽口又彈牙的墨魚餅，食了咁多肉當然仲有蔬菜：蘿蔔，冬菇和秋葵清一清。 糖心蛋推介，蛋白入味而入面的蛋王流心剛好，好濃蛋香。花膠湯，入面不少花膠，幾濃味帶點薑不錯，似住家湯水。但因遲來了所以只有烏冬選擇，好滑身，幾彈牙，湯都飲晒。 叫車仔麵可加錢配飲品，要了凍檸檬茶，茶底不錯，檸檬夠酸，最後2人差點吃不完添，十分抵食又坐得舒服乾淨。