祥利車仔麵 (西洋菜南街) (Closed)

九格定食～打卡非常好睇！可惜食物 多數係冷盤（偏凍）！冬菇的芡汁非常嚇人、花膠湯的花膠都算大塊 （可惜湯又係唔熱、變成花膠+芡汁）。自選車仔麵～個人偏好油麵、味道唔錯！

上網見到呢間車仔麵嘅九宮格料理好趣緻，所以就決定去試一試打個卡。去到發現其實選擇唔多，九宮格只係得一個款式，唔係可以任由自己選擇用咩菜式你嘅九宮格。落單嘅時候更加發現，原來lunch係冇九宮格，只係得六宮格，九宮格要晚餐先有🫣。整體食物味道唔差，花膠湯有兩大塊好重料，不過冬菇同滷肉就咸咗啲，呢度好就好在可以任你坐，所以好適合少人小聚傾計💬。

四格、六格、九格既烤肉、火鍋我就試過喇！估唔到車仔麵都可以，梗係帶埋大佬黎try try。小店位於西洋菜南街，裝修偏向日式木系既感覺，既舒服又文青，難怪吸引成班學生同OL。餐廳既招牌九宮格只可以晚市提供，咁唯有試試六格定食，下次夜晚黎，先再食九格。 ⦁六格定食 $72豬軟骨：軟身既口感，仲要唔黏牙。單點必試！醉雞中翼：淡淡酒香，加熱一下應該更加好味蘿蔔：清甜爽口，唔會有渣。蠔皇花菇：燜得非常入味同淋身。糖心蛋：流心入味。花膠湯：鮮甜既湯，仲有大大塊花膠，正😋！稻庭烏冬：本身配白飯，加$3轉烏冬，好彩轉左，估唔到烏冬同花膠湯咁夾。 ⦁自選車仔麵（最低消費$38）麵底🍜揀左粗麵，唔重梘水味，食落煙韌彈牙。揀左雞湯做湯底，配埋腩汁、辣汁，非常惹味，尤其係佢地既辣汁嗌左小辣都好辣，大家可以挑戰一下🌶️。個人推薦既配料包括膠原滿滿既豬手、自家秘製魷魚，兩款爽口彈牙之餘仲好入味。而芝士獅子狗就普通，可能唔夠拉絲。 ⦁朱古力（凍）+$8⦁檸檬茶（熱）+$5跟餐仲可以用優惠價加杯飲品，朱古力可能揀左凍，冰太多沖淡左朱古力味，建議下次可以嗌少冰或者熱😅！而檸檬茶茶底香濃，岩晒大佬口味。 📍祥利

雞湯配黑蒜汁原件花膠·日式叉燒·秘製魷魚·蠔皇花菇·唐生菜·稻庭烏冬湯底飲落唔似味精湯👍黑蒜名夠但唔濃反而幾好唔會蓋過食材味道·花膠有咬口同埋幾大舊👍叉燒肥左小小不過燒得好香🤤🤤魷魚個汁好好味😋要講下花菇😬又大隻又入味～正💯好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:想食車仔麵一定要黎試下👍份量又多又好味😋裝修好舒服～有種估唔到入黎係食車仔麵😝

經過旺角太子，睇完貓貓同狗狗，要搵個地方坐低醫下肚，見到間新開嘅車仔麵，最鍾意食車仔麵的我梗係要入去試吓。店舖面清潔乾淨，是新式的車仔麵，味道一般，有進步的空間。

一個人諗住簡簡單單食碗麵搵吓附近有冇車仔麵，就比我搵到佢店鋪裝修簡潔企理已經比到人唔錯嘅第一印象坐低之後揀車仔麵嘅餸選擇困難症嘅我糾結咗好耐🫣因為咩都想食湯底有兩款，今次揀咗豬骨湯汁底就揀咗車仔麵嘅代表：腩汁😆麵底就揀咗稻庭烏冬去到揀餸，日式义燒，豬手，豬軟骨，秋葵花膠，大腸，蘿白，花菇，腩肉全部都想試糾結完一輪最後揀咗四個餸👉🏾花膠、豬手、秋葵、花菇碗麵好快就上枱，佢一拎過嚟成個presentation令我以為自己去咗日式餐廳啲餸都算比得好足，花菇有五粒，豬手兩舊花膠一大舊，秋葵就少咗啲，得兩條梗係要講咗最貴嘅餸花膠先啦😎佢哋嘅花膠炆得好入味好淋，好值得叫有啲車仔麵都會有花膠呢個餸但我食過嘅都十分麻麻，好似食緊舊無味嘅膠咁所以祥利嘅花膠真係超班👍🏻👍🏻👍🏻花菇都好值得叫，好厚身亦好入味仲比成五粒，絕對可以encore叫豬手呢個餸其實好有危機，可能有毛之餘如果整得唔好，會好韌，咬唔到又痴牙不過既然係佢推介嘅餸，決定放膽一試結果豬手嚟到都無令人失望骨同肉剛好分離，炆得阿淋豬毛亦都清得算乾淨，只係有一個凹位清唔到啲毛，還可以接受成碗麵都好高質，除咗啲餸入味烏冬彈牙，湯底濃郁，飲咗都唔會口渴

當港式地道車仔麵🍜配上日式猪骨湯🐖,又一次證明呢個crossover 係得嘅！店家主理人師承日本拉麵技藝,並將其融入車仔麵之中，湯頭不但猪骨味濃郁而不膩,而且車仔麵餸菜款式多美味又大大碗,簡單係美的和諧呀！ 店面日式木系設計裝修,整齊簡潔,燈光光猛,又有卡位,坐得都幾舒服呀👍！其實我每次食車仔麵都會有選擇困難症,成日都覺得樣樣都好似幾好食咁,今次都係,所以我就揀咗店家既骨膠原孖寶,花膠＆猪手 車仔麵 最低消費$38 最少兩餸起 總括來講呢碗車仔麵真和九宮格份量都係比我預期中大碗,食得好滿足呀！要再讚吓,店員都幾有禮貌,雖然當晚得一個店面姐姐,但係佢好忙之餘,都好有禮貌咁介紹菜式俾我地,抵讚👍

經過太子見到一間環境似CAFÉ，超有文青風的店鋪，竟然是食車仔麵。《柱侯蘿蔔牛腩飯》牛腩軟腍，肉質可接受，沒有傳統咁濃味，蘿蔔清甜但比較硬，好彩沒有渣。 《脯肉，雞尖，豬大腸豬骨湯麵》脯肉就唔太入味，鹵水汁雞尖入味，豬大腸就一Ｄ都唔騷味。《魚旦豆卜雞湯麵》沒有特別《魷魚豬皮牛柏葉粗麵》最好食魷魚，又腍又入味，豬皮牛柏葉都無咩特別。冷泡茶樽裝～就選左個四季春，白桃烏龍茶但環境好清幽，簡約文青風，座位亦寬敞舒服。

車仔麵店竟然令我介紹嘅唔係車仔麵，而係環境 同埋 饅頭!✔️車仔麵店環境竟是文青feel嘅設計，環境高雅舒服，帶點chill✔️下午茶寫著”豚肉饅頭（2件）‘’，估唔到送到嚟係咁大件咁驚喜✔️大饅頭切開，中間夾住3件豚肉，無錯！係3件！2個饅頭各自切開即成4片包，即係4片厚切包夾住總共6件豚肉！震撼感爆炸！✔️6件豚肉全部厚切，即係4片厚切包夾住6件厚切豚肉！超有厚感和口感！✔️心思更在那片青菜看到，平衡整體嘅口感✔️咁多厚嘢咁有心思咁有環境，只係三十幾蚊，超抵！

1️⃣雞湯淡如水🙄🙄2️⃣米線好韌，好難咬碎，恐消化不良 😑😑😑3️⃣叉燒有2細圓塊，唔會韌，味好麻麻，相信所有拉麵店都好好食過佢👎🏻 4️⃣ 牛肋條 有兩條 ，似 放大版長條型 牛腩，夠淋，重5香味，抵食👍🏻5️⃣花菇好多塊，約6塊左右，夠淋，🤨6️⃣魚肉春卷有兩大條，但好粉👎🏻👎🏻👎🏻7️⃣雞中翼有3隻，雞翼尖大隻， 鹵水味幾香，味偏甜8️⃣梳打完全無氣，同水一樣，玩野！👎🏻👎🏻👎🏻1️⃣糖心蛋幾好，十分流心，原只上，無斬一半👍🏻 2️⃣韮菜餃得2只，雲吞皮泥，好薄，且足料， 仲有埋蝦👍🏻👍🏻👍🏻3️⃣炸雞炸粉唔會好厚，少少脆，啖啖肉，無爆汁，好香7味粉，少少辣，唔夠熱，暖暖地，整體好一般，可以唔洗叫😐4️⃣latte 淡如水，茶 奶 未欠奉，且唔甜🙃🤝環境：幾乾淨，光猛，走廊夠闊😐總結：唔會再黎食

喺門口見到呢間車仔麵嘅下午茶餐牌，原來佢唔止有車仔麵食，仲有好多唔同種類嘅食物，例如西多、撈炸雞翼麻醬撈烏冬、雞扒蔥油撈麵既其他唔同嘢食，實惠又多花款，真係唔錯🤤🤤

呢一間餐廳係主打車仔麵🍜但係個人更加推介佢哋個炸西多士🍞西多士炸到金黃色 勁香脆🧡💛用咗三層方包 食落好厚身 內餡搽滿花生醬🥜面頭再淋滿糖漿同牛油🧈真係超級邪惡又好食😋

平時去食車仔麵檔，餐廳一定要我揀麵種或湯底，之後把所有我點嘅餸放入湯碗裡。呢度，真係估佢唔到，有6格和9格定食，齋食餸，可以食到每款餸的原味，啱晒我呢啲鍾意食餸多過食飯麵的人✌🏻炭燒烏龍冷泡茶 (HK$16/樽装)．用咗三角金字塔形嘅茶包來冷泡，可能是高質素茶葉吧，泡出炭香氣又有烏龍茶嘅清香茶味，好好飲😋九格定食 (HK$108)．以一個每一格都係一款餸 — 花膠湯、墨魚餅、糖心蛋、豬軟骨、豬手、冬菇、醉雞．午餐肉和豬紅，是取代咗蘿蔔和秋葵，因為當日巳賣晒啦．仲配埋一碗白飯和一碗稻庭烏冬．介紹一下餸菜，以我鍾意食嘅排列花膠湯一片花膠，短身，但肉厚，口感偏綿身墨魚餅炸得香脆，啖啖墨魚肉😋*午餐肉煎得香脆、乾身，就是好味😋*糖心蛋滷水汁甜甜哋幾好味，蛋白嫩滑，蛋黃流心，就係正👍🏻豬紅調味和醬汁都好特別，比較濃味道，同我平時食有點不一樣🤔冬菇炆得入味，腍身但有咬口*豬軟骨炆得好腍，我覺得重口味一啲*豬手炆得好腍，啖啖骨膠原，但切得太大舊，用筷子食有啲難度😅*醉雞是我喜歡嘅雞中翼，不過我覺得酒味不夠濃，不夠入味*餐牌如下：

呢日想食麵，就嚟到西洋菜南街呢條麵街😂成條街都好多米線鋪，唯獨呢間比較突出，係食車仔麵，門口寫住九宮格車仔麵，感覺幾得意就試吓佢🌝九格定食 $108既然入到黎，當然要叫佢個招牌九格定食，九格包括花膠湯、豬手、豬軟骨、醉雞翼、墨魚餅、蘿蔔、冬菇、秋葵、糖心蛋，🤰🏻推介豬軟骨，燜得夠淋同入味，糖心蛋都好流心😋煮得岩岩好半熟，蘿白清甜無渣都好好食，呢個定食仲配咗一碗白飯同一碗稻庭烏冬，稻庭烏冬好滑同彈牙👍🏻係靚烏冬！🌝自選車仔麵 $72最低消費為$38，起碼要叫兩個餸，🤰🏻揀咗豬骨湯，一上枱已經覺得好濃郁，一試真係好驚喜😆幾有拉麵店食到嘅真豬骨感覺，又唔會太鹹，配埋小辣辣汁，更加惹味！👍🏻配料方面🤰🏻最❤️日式叉燒，唔韌唔乾，半肥瘦啲油脂超香，而秘製魷魚都唔會韌，入晒味幾爽口，另外花膠有三大塊，好厚切，仲要入晒味👍🏻

祥利車仔麵(西洋菜南街) 🍜📍 旺角西洋菜南街198號地舖♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎尋日經過旺角， 無意之中見中呢間新派車仔麵，裝修格局唔似舊式車仔麵店。而呢間鋪頭有推出九宮格定食車仔麵😂，但因為九宮格唔係每樣都鐘意食，最後都係叫返普通既車仔麵🍜🤣。呢間車仔麵店，價錢都算係合理，價錢係相片上有附上，餸菜都算入味。另外仲叫左炸蓮藕墨魚餅 $29， 都幾得意既，唔錯👍🏻。 不過個椰汁紅豆冰就麻麻地 😿， 大家如果要飲野，就可以試下其他。整體推介指數：❤️❤️❤️🤍🤍♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦