Burgeroom (美麗華廣場1期) (Closed)

無論食乜嘢食物，多數都是材料汁醬混埋一齊，雖然材料放嘅次序有先後，最終都係成為一個分唔開嘅菜式。但漢堡包就好唔同，一層一層，層次分明，唔中意食嘅材料可以好容易剔走。鍾意一啖食哂，喺肚裡面先混埋又得，鍾意分開，一層一層食又得。而呢種層次正正係享受漢堡包嘅最好方法。 🍖 漢堡包重中之重當然就係漢堡扒，呢度牛肉同脂肪比例岩岩好，肉味香濃，油份充足，但又唔會太多，所以特別juicy。但係牡丹雖好，作為綠葉其它材料，一定要做好自己角色，先可以突顯漢堡扒嘅好味。新鮮熱辣嘅澱粉質會帶出肉香，外軟內脆，又同外脆內軟嘅漢堡扒相映成趣。芝士既咸香，懶洋洋咁鋪排係漢堡扒上面，令到味道更加濃郁。而我做咗個明智嘅決定，加埋鵝肝。飽滿嘅鵝肝，散發出另一種濃郁既芬芳，喺個種會由鼻孔噴搵返出嚟嘅香氣。再加上佢本身軟綿綿，就唔會搶左牛肉本身嘅口感。 🍖 薯條夠哂脆又乾身，但重點喺嗰支超大支茄汁，哩嗰係食美式漢堡最大特色，我什為喜歡! 🍺✨️講番呢一餐其實喺午餐，我叫左啤酒，冇計啦，食漢堡包薯條，點樣都要啤啤佢。但之後老闆完全冇炸型，因為係無酒精啤酒。單單呢樣野，足以令我下次再黎。