Video
Read full review
2024-09-06
688 views
《木屋燒烤 - 旺角》呢一間餐廳其實我以前成日食，曾經有一段時間我係喺中資公司做嘢，所以經常往返國內工作，我啲同事就會成日開完會之後拉咗我嚟木屋燒烤食串燒飲啤酒🤓而家佢哋開到嚟香港啦，其中一間分店仲要喺正旺角，超級方便😎今次就同個朋友過咗嚟呢度敘舊，啤酒就梗係不可缺少啦😏我哋今次兩個人叫咗一個招牌經典二人餐食住先，由於我哋兩個都唔食羊，所以就問店家可唔可以將佢轉成牛肉，呢一個套餐入面有嘅食物種類都唔少：💁🏻♀️香辣毛豆 1份💁🏻♀️肥牛 5串💁🏻♀️烤雞脆骨 4串💁🏻♀️烤生蠔 2個💁🏻♀️烤土豆片 2串💁🏻♀️電白乾魷魚炒米粉 1份💁🏻♀️鮮釀大麥皮爾森啤酒 1Jar呢個套餐入邊有一Jar 鮮釀啤酒，兩個人飲每人可以飲到三杯左右，上菜嘅速度都好快，我哋落咗單之後店員就為我哋送上毛豆，毛豆用咗少少辣油同埋芫荽去浸泡，用嚟送酒一流，之後平均5分鐘左右就會有一道菜上，慢慢食住飲酒都幾過癮☺️生蠔肥美而且有肉汁唔會燒得太乾，佢個蒜蓉醬我覺得更加為隻生蠔提鮮不少，所以之後我哋都有再encore生蠔🤣肥牛肉雖然部位較肥美，但係入口又唔會覺得好漏，有啲似半肥瘦嘅無骨牛仔肉，調味加咗孜然粉同埋麻籽，雖
呢一間餐廳其實我以前成日食，曾經有一段時間我係喺中資公司做嘢，所以經常往返國內工作，我啲同事就會成日開完會之後拉咗我嚟木屋燒烤食串燒飲啤酒🤓而家佢哋開到嚟香港啦，其中一間分店仲要喺正旺角，超級方便😎今次就同個朋友過咗嚟呢度敘舊，啤酒就梗係不可缺少啦😏我哋今次兩個人叫咗一個招牌經典二人餐食住先，由於我哋兩個都唔食羊，所以就問店家可唔可以將佢轉成牛肉，呢一個套餐入面有嘅食物種類都唔少：
💁🏻♀️香辣毛豆 1份
💁🏻♀️肥牛 5串
💁🏻♀️烤雞脆骨 4串💁🏻♀️烤生蠔 2個
💁🏻♀️烤土豆片 2串💁🏻♀️電白乾魷魚炒米粉 1份
💁🏻♀️鮮釀大麥皮爾森啤酒 1Jar
呢個套餐入邊有一Jar 鮮釀啤酒，兩個人飲每人可以飲到三杯左右，上菜嘅速度都好快，我哋落咗單之後店員就為我哋送上毛豆，毛豆用咗少少辣油同埋芫荽去浸泡，用嚟送酒一流，之後平均5分鐘左右就會有一道菜上，慢慢食住飲酒都幾過癮☺️生蠔肥美而且有肉汁唔會燒得太乾，佢個蒜蓉醬我覺得更加為隻生蠔提鮮不少，所以之後我哋都有再encore生蠔🤣肥牛肉雖然部位較肥美，但係入口又唔會覺得好漏，有啲似半肥瘦嘅無骨牛仔肉，調味加咗孜然粉同埋麻籽，雖然幾辣，但係飲住酒又可以接受喎🤓另外雞軟骨同埋土頭片都係我每次必叫的，土豆片切得薄，所以燒起上嚟嗰邊邊會微微脆身，好似加咗醬汁嘅薯片咁幾開胃，到最後不得不提個炒米粉，入面嘅白魷魚乾鹹香十足，個米粉食得到有鑊氣同埋炒得乾身，簡單嘅調味已經食得好滋味👍🏻我同朋友食完唔夠喉仲加單咗一次添🤓值得推介嘅係佢哋都有好多唔同嘅啤酒種類可以揀，我個人推薦古斯海鹽啤酒🥰下次嚟記住試吓喎
Post
