雄館特式小廚 (Closed)

Event 慶功， partner 同teamate 不拘束開放話題飯局😆 友人訂枱。 一間好不拘小節嘅小店， 店員好好玩， 好講得好講得小( 我唔知其他客係唔係， 不過對我地係 ) 。上到去介紹訂左嘅菜單， 當日有個奄仔蒸 糯米飯， 推介試試， 由於奄仔唔算當做， 合格有找嘅味道， 蝦多士好食， 新派一點嘅食法( 自己去試, 唔識講 )。菜乾燉豬肺我幾鍾意😆可能因為我廢...... 手打炸蟹鉗我都係鍾意啲老店多2啲， 不過ok 嘅。荔枝茶香薰雞真係要試下香港唔多做， 我覺得幾正。其他普通嘢飛晒佢✈️✈️✈️最後來過反沙竽好乾身， 芋頭好粉好棉。當夜飲飽食醉， 吹水又吹到過晒底線😆， 幾好玩。總括而言， 呢間可以叫古舊菜， 用新啲嘢方法做嘅小店， 拋開小時候去飲嘅口味去試會有驚喜。