Le Grand Pokka Café (形點) (Closed)

嚟呢間餐廳食咗好幾次，貪佢環境暗暗地啱密密斟，食下西餐呀又可以食亞洲菜。呢度竟然有拉麵食，我朋友話想試吓，心諗喺西餐廳食乜鬼拉麵🍜，但都點咗碗黑蒜油叉燒豚骨拉麵，係出乎預料地好好食！黑蒜油夠香，麵嘅硬度偏硬但個人好喜歡嘅硬度，叉燒夠入味，成碗麵嘅溫度係好平均好溫暖，爭啲食晒我朋友碗麵。叉燒有兩塊當然唔夠喉，叫咗客照燒一口牛肉，份量都幾多下，同每口牛都大粒，扮晒野都要分兩啖食，慢慢細味。肉質夠腍無酥味，真的好怕有果啲味，會令食慾大減。另外見到一個菜式幾特別，唔係度度餐廳有得食，叫米意粉，即係米仔粉，佢配埋鮮蠔同龍蝦汁一齊煮，感覺好似食緊多汁版嘅海鮮risotto ，不過米仔粉係硬身少少，整體都係個新感覺。最後食埋個tiramisu 格格多士伴雪糕，呢個似係tiramisu嘅變奏板，以軟綿綿嘅多士代替手指餅，加埋朱古力粉、吉士醬，食落唔太甜，所以唔使擔心好肥。