亞古鍋 (Closed)

朋友最愛打邊爐 佢話試過呢間既湯底好正 而且環境又舒服 所以佢就帶我黎呢間啦上到去覺得同一般既打邊爐既餐廳好唔同 呢間野係暗暗地好有情調嘅 〰️招牌亞古鍋〰️因為朋友知我鐘意飲花膠湯 所以佢推介呢個湯底比我 一開始大大隻花膠擺係面前 之後就加入個湯底度 到開始滾時 侍應就會將呢塊大大舊既花膠剪成一粒粒 之後再加湯 雖然呢個係打邊爐嘅湯底 但係我哋每人先飲咗三碗 因為個湯底實在太濃郁啦 除左有花膠外仲有瑤柱碎桂圓肉紅棗 養顏得黎又好飲飲完三碗之後其實都已經冇咩湯剩 侍應幫我地加返d湯之後就開始啦〰️騸牯三寶〰️左手邊既款牛係邊抓 即係近肋骨 中間既係牛頸 右邊既係腩包即係包住腩位既肉牛肉好新鮮 而且牛味濃 我鐘意食牛頸 因為少d肥肉 爽口d 〰️廣島蠔〰️D蠔好肥美又新鮮 唔同平時出面食個d會有雪味 而且好有口感〰️日本走地雞〰️侍應話我地知呢個雞係特別切得薄d 而且最好係烚一分鐘就夠啦 如果唔係就會太鞋浪費左啦 試左咁樣食又真係比平時滑d 而且因該係走地雞 所以d肉真係結實d同少d肥肉