茶木‧台式休閒餐廳 (Closed)

女朋友話想食完飯食甜品，所以就去咗茶木，因為知道茶木有好多甜品，食完飯唔使兩頭騰😏餐廳環境幾有特色，個人特別鍾意啲燈嘅設計。手工拌麵其實即係撈麵，撈麵啲汁鹹鹹地幾好食，另外附送一碗辣汁肥牛，味道唔算太辣，就算我唔食得辣都還可以。另外附送鴨血同埋腐竹。沙嗲肉藕帶骨牛小排牛仔骨牛味十足，蓮藕炒得好脆身，整體感覺不錯。抹茶紅豆起司奶蓋戚風蛋糕紅豆加芝士加奶蓋甜到入心，抹茶醬中和返少少令到蛋糕唔會甜得滯，另外切開蛋糕仲有流心，再加埋上面插着一個朱古力甜筒，鍾意食甜品嘅人一定喜歡。巧克力火山 & 雲頂咖啡巧克力火山都幾足料，入邊有朱古力碎，可以一邊飲一邊食朱古力。雲頂咖啡比我想像中更有咖啡味，唔會俾糖同奶覆蓋左啲咖啡味，個人比較鍾意飲呢種。