銘師傅潮州粉麵餐廳

Open Now

Now Closed

又做孤獨的美食家，收工有d野係元朗搞未夠鐘就搵d野食，今日就試下銘師父，得知銘師父都定期會搞d派飯活動，相當有善心，所以都係其中一個支持既原因。銘師父個鋪面幾特別，密封晒係店外係望唔到入面環境，好有神秘感，入到去發覺環境都幾企理，主要都拍埋左右兩邊 中間有一行張枱，位與位之間唔算好迫。南乳豬手撈麵平時去粉麵店都係食牛腩河多，但唔知點解今日突然想食豬手撈麵，飲品就要加10蚊偏貴所以無叫，首先麵既份量有d驚人，都幾多下，可能有平時湯麵既1.5倍，麵既質地好煙韌，鹼水味無話好重，豬手有3件，炆得幾腍唔會過火，但略慊南乳味唔多夠，似滷水豬手多d，另有幾條生菜跟下，跟餐個大地魚湯都幾清甜，飲完唔會好渴。枱上有調味料，其中一樽好似咸菜咁既唔知乜黎，試左少少都幾咸下，唔太岩我口味。銘師父d食物質素唔差，有d餐就比其他粉麵店略貴少少，有d全日特價餐就相對抵食d但多數係丸類，37蚊包菜或魚皮或熱飲，間中都可以去支持下。