喜來稀肉 (Closed)

有時真係一大班朋友去食韓燒開心d架，因為多d人就可以叫多d款式，今次我哋有7個人，散叫咗好多肉，免費添蛋咗好多次，換咗好多次鐵板，服務算幾好，地方好寛敝，抽風尚算ok，但放私人物品既櫈就好污糟！喜來烤肉～招牌烤肉，肉味尚可，幼身方便食，可以一試 豬五花肉～我覺得厚燒會好味d，呢款五花肉太薄口感麻麻，最重點係烤極都烤唔到脆口效果牛舌～呢個都係麻麻，又係烤唔到微香脆效果，太薄無乜口感牛肋骨肉～肥咗dd，肉味又爭咗dd，食落厚身咗dd，即靭咗dd豬護心肉～賣相麻麻，烤好後味道ok，但我覺得豬頸肉會好味過佢真雪花牛肉～呢個真係最好味，好雪花兼牛味好濃，亦最搶手，必食 特級牛頸～牛味一般，唔覺有幾特級，但勝在牛唔太肥同靭海鮮蔥餅～呢個蔥餅唔錯，真係食到有八爪魚粒，蔥味又夠香，餅又唔太厚又煎得香脆可口，推介 水冷麵～原來水冷麵係咁好食既，呢個清清地得嚟帶點醬油味，比我之前食果d好味得多，推介 海鮮泡菜餅～呢個泡菜唔夠多，味唔夠濃又太燶，蔥餅好味好多果汁3罐p.s. 如果响openrice訂位，每人有一罐值$20既果汁呀7人共消費: $1518