喜來稀肉 (Closed)

今日同幾個friends一起去食烤肉。來到呢間，空間幾大，座位都幾多下，我地點左好多嘢，大部分都系肉啦，自己烤，自己配佐料，服務員會定時過來換烤肉噶紙。總體來講食得好開心，滴肉都幾新鮮，同其他店噶區別唔大。我地都好難講正唔正宗啦，就覺得環境唔錯，氣氛唔錯，系個多人聚會噶好地方。

喜來稀肉 好多人去首爾玩嘅時候都食過，早幾年韓風流行 在香港一次開好幾間分店，人頭湧湧一直冇機會試! 今晚路過灣仔，就去試下這熱潮過後的烤肉店!這店在京城大廈3樓鄰近灣仔地鐵站，交通非常方便。店內裝修頗有情調 傳統韓式烤肉店 地方超級寬闊 座位距離大， 喺灣仔區確係難得！值得一讚係 店內抽風系統非常好 完全冇油煙味！由於有朋友怕熱氣， 今次沒有吃烤肉 反而點了韓國傳統的熟食又是另有一番風味！海鮮牛胸肉大醬湯米飯 $80大醬 湯 內有蜆肉 牛肉碎 非常 辣 好刺激海鮮蔥餅 $90蔥多海鮮少 沒有油膩感， 反而 靈魂是辣芝麻醬，與蔥餅非常匹配炒年糕 $75傳統美食 超級辣令人興奮 可惜分量太少嫩豆腐湯米飯 $80豆腐 名副其實嫩滑可口 有濃郁嘅豆腐味店內有韓國人店員，溝通要用英文！整體用餐經驗不錯，今次無緣試到烤肉有點失望，留藉口給自己下次再來光顧😝

同舊同事一齊去食完佢地嘅lunch set，我地都一致認同可以黎多啲食飯，因為午市套餐價錢唔算貴，份量多，味道好，算係好抵。 .呢到嘅前菜係自助嘅，通常會有4-5款嘅前菜係到，客人可以根據自己需要去拎。除左一般嘅泡菜、芽菜，有陣時仲會有魚餅、肉丸等等嘅前菜，當有呢類前菜，通常你都會見到有一大群人係到搶住拎，哈哈。.我食過三次，當中最鍾意嘅係海鮮牛胸肉大醬湯，濃濃嘅大醬湯，送飯食真係一流！而且入面都算有幾多海鮮同幾塊牛肉，每次食都覺得好滿足十分推薦大家試下！

又吃韓燒，諗起喜來稀肉，點了牛五花及牛舌。牛五花調味十分好味，味道惹味，牛肉質感不硬👍👍牛舌也不錯，薄切，燒起上黎好快熟。泡菜更其他side dish 可以refill。蛋也加了幾次，別有一番風味。

我成日覺得灣仔有好多韓國嘢食，就係同一㨂就己經有2間，2間我都鍾意食，但如果嗰日我想食狂啲🐯🐯，喜來稀肉絶對係一個唔錯既選擇，因為呢度有任食任食任食，午市可以任食前菜，的確無得頂。👍🏻👍🏻👍🏻 😂😂😂呢度最大好處係地方大，多數唔使等位，對於OL來講，的確一個會翻灘既地方。 講返啲前菜先，辣味嘅會有辣泡菜，辣蘿蔔(甜甜地辣辣地，係好食嘅)，仲有就係辣青瓜(個樣好似好辣所以我根本無掂過)，唔辣既choice 都唔少，有湯啦，我最愛蘿蔔湯又可以解辣，生菜一定要配麻醬先好食。仲有麻醬蕃茄，翠玉瓜都好好食。✌🏻✌🏻✌🏻講咁多好似完全無講過主菜的喎。。我多數會叫芝士拉麵+飯團，因為基本上淨係食前菜都夠哂飽，所以識叫一家咁叫，不過就係韓國公麵，唔好叫我俾comment ...不過我同事話佢嗰份芝士豬好食啲。Well, 等我食厭晒啲前菜再試下囉。😂😂😂😂🤪🤪🤪🤪🤪

兩個人食，一入到沒有職員介紹，隨便俾咗個位就無理我地，我地離開先知道出面有嘢食（冷盤），同嘢飲嘅。我唔太餓，叫咗個芝士麵（個麵就得麵，同三粒餃，似乎係 韭菜），佢又配上一碗飯（奇怪）。大概七十蚊。唔抵。推介朋友叫嘅，韓式炒飯，辣嘅。好食嘅。無咩得別，我諗唔會再上去食。得幾個職員，忙曬成個場，同埋都好年輕，比較成熟個個，見佢行咗入廚房，著便服嘅，半個鐘後先出嚟（因為有一檯開咗爐，成個餐廳都有煙），淨番另外好年輕嘅執檯，上菜。兩個人食咗一百八十左右，有加一。

午餐set 款式不多， 希望可以增加款式。食店優點之處餐前小菜有5款，好味又可免費添加 😋 同枱朋友加飯配小菜， 他喜歡泡菜加吞拿魚醬 送飯一流。有點可惜是女洗手間地下有積水地面濕滑，希望可以改善 。

17/5/2019四人又出動慶祝5月生日聚會，去灣仔喜來稀肉。食物：一頭牛 （一盤牛肉、醋飯、2杯飲料）：部位分不到，但味道最好食係花型果d牛肉，同埋有5塊細細長方形狀果d. 一頭豬（一盤豬、醋飯、2杯飲料）：部位就講吾到，不過豬的肉都係 中規中矩，說實在如果唔係我哋其中一個人唔食牛，我哋都唔會叫豬食。同埋今次個豬皮d味好怪，好似好騷咁，我之前食過的燒豬皮吾係咁味道的。牛肉眼：呢個牛肉眼係我去親任何一間喜來稀肉都會叫的，我仲發現我咁耐冇幫襯，呢塊牛肉眼都冇加過價，仍然係$150👏👏👏雖然望落好似好多肥膏，但係如果佢塊牛肉眼一啲肥膏都冇嘅話會好乾，所以有啲油份比佢燒出嚟會更加香。我覺得牛肉眼好香肉味,又好juicy. 話說佢set的醋飯，原來扮sushi , 自己燒d肉蓋上去食，但佢嚿飯比較大同埋實淨，所以好鬼飽。Service : 大部分都係韓國人，但佢地英文都好好，吾會溝通吾到。好自動同我地換烤盤、加前菜、加蛋👏👏👏同朋友講開我地有成2年冇嚟喜來食了，吾係吾食韓燒，只係太多競爭同選擇。同埋我地去灣仔呢間的原因係可以openrice 訂枱、同埋呢個分店冇限時。

午飯時間同事話想食韓國菜公司在灣仔所以便想起有間”喜來烤肉”之前也試過他們這裏的午餐也不錯地點近公司所以就去了這個餐廳，搭lift上到3樓這裡地方很闊大，枱嘅數量多但係唔太迫十分夠空間感好舒服，餐牌望上去感覺好似去咗韓國一樣，最後我哋都點了石鍋拌飯，點完餐之後有一個自助嘅小菜區共有六款小菜，泡菜、魚糕、白菜仔、芽菜、草菇及貢丸/牛丸都幾特別，仲有當然唔少得嘅蘿蔔清湯味道都不錯。到了上菜表面有滿滿嘅紫菜，下邊亦都有切好咗嘅蔬菜、蘿蔔、芽菜有少許肉，同埋一隻太陽蛋再加一碟拌飯將簡直完美。不過如果唔鍾意食飯焦嘅朋友就要留意或者要同侍應先講一下，因為石鍋加熱嘅時候佢嘅飯已經有些飯焦，所以要即刻馬上拌勻。整體是好吃又不嘈吵，是一班人吃午餐的好地方👍🏻👍🏻

記得呢間韓燒以前黎HK開店時, 晚晚大排成龍好巴閉, 個時食住韓風呢條水.今時今日原來已開左好幾間分店.呢間重好大間TIM!入到黎見到都重係好多打工韓妹, 香港店員好似得一個咁,落單都係係紙度寫, 免去溝通問題~ SET LUNCH唔太多選擇, 都幾難揀呀!落完餐後, 上菜都未有前菜, 先知要自己出去羅...完全冇通知咯...有6款前菜, 重有湯揀, 不過睇落好似好頹咁...我地都係羅左少少就算, 湯個D 冇試.我地每樣試少少就夠了. 麻麻地,.唔水ENCORE.我都真係唔係好揀到,.哈. 最後揀左呢個..吞拿魚泡菜蓋飯.$88我認為係食緊喵糧WKAKAKKAA 都OK 既, 不過就好似有D 悶..朋友既海鮮炒飯. $80 睇落就好似冇乜鑊氣咁~ 試左一啖咋鐵板辣炒豬肉. $90 呢個睇落好似正常D, 夠哂味.鐵板芝士辣炒豬肉蓋飯. $90呢個超級HEAVY 呀, 連埋D 飯係上面撈, 吸哂D 油 WAKAKKA

相比起尖沙咀店, 這裡的面積應該大了幾倍, 亦因為在灣仔, 平日晚上人流並不算多, 室內座位多, 空間感很充裕, 店內的抽氣系統亦很好, 走進內幾乎沒有嗅到半滴油煙味一坐低，侍應會奉上三款配菜，泡菜、芽菜同洋蔥水冷麵 ($75) - 喜歡那酸酸甜甜的口感, 十分醒胃. 麵身有結成一團的情況, 但用點力即可鬆開. 麵條很彈牙煙韌, 加上醋和芥末調味後, 味道十分清新.生菜配上燒肉一齊食！亦會試先準備蛋漿倒在爐邊，一邊泡菜味、一邊芝士味，而且蛋漿同配菜可無限添加！哈哈，剩食蛋都已夠飽

We've been here several times before but had a really bad experience today. We ask a Cantonese speaking lady for ordering food in a very polite way and was replied that "you ask her" in a probably the rudest way you can imagine, pointing to her Korean coworker. I just don't understand are we not allowed to order food or something? What is wrong with these people? So why are we paying for the 10% service charge?! Nobody wants to go to a place like this ever again no matter how tasty their food is

喜來我都算係常客，以前覺得呢到貴，但今次來覺得佢平左。$60-$70有交易有飯有麵。環境呢到真係大坐得舒服，可以任傾計起碼無人會吹你走又唔洗等位。前菜自助，味噌湯、泡菜ok唔太辣中辛，冇個種好似防腐劑味道，其他都差不多味道、脆肉瓜唯一唔辣。主食我選左個「懷舊韓色飯盒」，賣相ok味道方面可以由左至右講起，左手面泡菜辣味偏酸辣，蛋有點似溫泉蛋，右上番茄味腸仔帶甜味，右下小老板紫菜味。我冇去過韓國比較唔到真正韓國味係點，但我比較喜歡食右邊甜甜地，飯有點小1.5cm高，如果餓就唔好選呢個啦。我食埋前菜加兩碗湯都ok整體來說$60加1，午餐質素算抵食。抵讚

其中有女服務人員不斷俾面色客人看，客人要聽佢話、否則會頂你幾句，客人講野無端端插入黎頂嘴，好離奇。我相信係個別事件，其餘服務人員態度ok, 亦會殷勤換鐵板。食物質素一般，少部分牛肉好好味。

香港有好多間大大細細食韓國烤肉的店，喜來稀肉都算幾大型，有好多間分店。通常分店開得多的質素都會越黎越差，但係我覺得喜來稀肉都算keep到個質素。之前食過係旺角分店食，不過可能因為太多人，所以店員人手不足，有時要等好耐先有食物到。但係灣仔分店就無咩呢個情況👍🏻Menu有好多品種的肉選擇🐂🐖🐔，有單點，亦都有set。我覺得肉質都幾嫩滑，而且醃的醬汁調的剛剛好，唔會太鹹蓋過肉本身的味，又唔會醃得唔夠味。幫邊仲可以烤埋蛋食，好正！不過價錢應該算係中上，唔係特別平。