UCC Coffee Shop (Closed)

今日同男朋友揀左去UCC食午餐，一路覺得呢間野冇乜特別，靜係知道佢有好幾間分店，今日一入去，就聽到店員用日文講歡迎光臨，先知UCC原來係一家總部位於日本兵庫縣神戶市中央區嘅飲料食品企業，主要產品係咖啡。冇乜期待，價錢中規中矩，唔想食太膩嘅野，所以揀左個香草鮮蝦意粉，估唔到幾好食喎，橄欖油好香男朋友揀左個芝士海鮮焗飯，我覺得意粉好味啲佢好中意杯咖啡，我見住店員認真炮製㗎，係蒸餾咖啡。午餐可以加$40 salad bar + 野飲。食完差唔多兩點，都有好多人排隊呢！