尚苑京滬川菜 (Closed)

屋企人鍾意飲茶，去咗紅磡科學館之後搵到呢一間係南洋中心既尚苑中菜廳。環境都有少少充滿中式風情，晚市唔算多人。**菠蘿拔絲咕嚕肉**：菠蘿嘅清甜同咕嚕肉嘅香脆結合得好好，欣賞佢真係每一舊咕嚕肉都係脆口，愈放得耐反而仲脆，菠蘿嘅特別之處在於佢係放喺隔黎，可以只食菠蘿清甜味道，平時嗰啲都係炒埋一碟。**椒鹽一字骨**：一字骨肉質鮮嫩，外面炸得好酥脆，椒鹽嘅微辣味道好香，唔會太乾身。**魚香茄子煲**：茄子勁香，用煲上熱辣辣，煮得入口即化，醬汁好香濃，送飯一流。尚苑中菜廳嘅餸菜對我黎講其實係喜出望外，價錢抵食，估唔到係呢個地點都有質素唔錯嘅中菜廳。👍🏻