Video
Read full review
2019-03-31
20 views
一入店,樓上同事會通過對講機話比其他同事知,我地幾多位。之後搭一條小電梯往下層,到達下層就有店員招待。坐低之後,睇MENU係透過iPad,環保之餘份外清晰,放部IPAD係檯面用手指左右掃,好過拎住MENU一頁頁"頡"。(MENU我就無影到~不過上網搵應該都好多資源)假若你注重食物質素之餘亦都在乎服務質素,我會推薦日喜樓。店員全部面帶笑容有禮貌。通常好多中菜地方叫左茶之後,茶放上檯,店員就會離開,令我好驚訝係,店員會為我地斟埋茶,係整餐晚飯亦會主動留意我地檯上茶壺重有冇茶,自動去補,同時亦會為我地再斟茶。除此之外,每一個店員,不分年紀,對公司既食材好熟識,會為客人介紹,上菜既時候更加會講解/溫馨提示,例如我叫左羅春閣爆汁生煎包,店員會教我地先係中間開洞,散一散熱,小心煬咀等等...令我感到呢到既服務質素好高。日喜灌湯小籠包- 超級建議趁熱就食, 小籠包皮薄餡靚,包內湯汁夠多而且夠香濃,傳統配埋醋同薑絲,夠晒好食~北京填鴨一食（半隻）店員又會介紹,佢地會用住個鍋去蒸住D薄餅,溫度保持係60度,因為每一塊都用紙分開,而且減低薄餅乾硬,店員話最好拎完一片,可以蓋返個籠。片皮鴨唔算係咩特別,但配
之後搭一條小電梯往下層,到達下層就有店員招待。
坐低之後,睇MENU係透過iPad,環保之餘份外清晰,放部IPAD係檯面用手指左右掃,好過拎住MENU一頁頁"頡"。(MENU我就無影到~不過上網搵應該都好多資源)
假若你注重食物質素之餘亦都在乎服務質素,我會推薦日喜樓。店員全部面帶笑容有禮貌。通常好多中菜地方叫左茶之後,茶放上檯,店員就會離開,令我好驚訝係,店員會為我地斟埋茶,係整餐晚飯亦會主動留意我地檯上茶壺重有冇茶,自動去補,同時亦會為我地再斟茶。
除此之外,每一個店員,不分年紀,對公司既食材好熟識,會為客人介紹,上菜既時候更加會講解/溫馨提示,例如我叫左羅春閣爆汁生煎包,店員會教我地先係中間開洞,散一散熱,小心煬咀等等...令我感到呢到既服務質素好高。
日喜灌湯小籠包- 超級建議趁熱就食, 小籠包皮薄餡靚,包內湯汁夠多而且夠香濃,傳統配埋醋同薑絲,夠晒好食~
北京填鴨一食（半隻）店員又會介紹,佢地會用住個鍋去蒸住D薄餅,溫度保持係60度,因為每一塊都用紙分開,而且減低薄餅乾硬,店員話最好拎完一片,可以蓋返個籠。片皮鴨唔算係咩特別,但配埋店家既用心,食得份外開心。
鐵板蔥爆牛肉又係另一賣點, 牛肉同個鐵皮板係分開上,店員提醒我地擋油之後,係我地面前放D牛肉上鐵板上,隨住吱吱聲,牛肉同香蔥香氣周圍飛,簡直香氣逼人!入口味道香口,連蔥都清得一乾二淨~
奶油娃娃菜夠晒CREAMY,奶油味道極重,上面有D金華火腿粒粒,令到味道更為出眾
原本食飽就打算埋單走,店員亦會主動詢問要唔要試下呢到既甜品,個心郁郁又想試下,之後係店員介紹下,決定選擇『吾是南瓜』。個名好得意,店員解釋,因為佢真係唔係南瓜黎嫁,賣相同南瓜好相似,但內裹係滿滿既紫薯蓉,老公唔係太食甜食都覺得好食。店員亦有溫馨提示因為要蒸,要等5-10分鐘,清晰既解說令我地都好有信心~對食物亦都好有期待。反正同老公都唔趕時間,坐下傾一計,又快甜品就上檯啦~
今晚見到有2圍檯食百小碟,望到我又再次心郁郁,有機會真係要試一試呢個西班牙菜京川精品菜集結一身既百小碟。
回頭率10/10食物味道10/10服務10/10
日喜樓
地址:銅鑼灣登龍街18號V Point B1樓
電話號碼:25111534
營業時間:星期一至日11:30 - 23:00
Post
