Video
Read full review
2010-05-02
15 views
聽日係結婚7週年紀念, 今日同老婆去慶祝下! 去邊好呢? 又想食buffet, 不過又唔食得多, 想搵間中間價錢, 最後諗到呢度. 之前既食評好似都係麻麻地, 咁就本著一試既心態去食啦, 點知...喜出望外!buffet 6:30開始, 6:15可以入去坐住先. 地方唔錯, 檯與檯之間闊落. 不過食自助餐, 最緊要都係有咩食先! 先講海鮮冷盤, 食左蝦、長腳蟹、翡翠螺. 我鍾意食蝦, 不過多數自助餐D蝦都淡口, 佢呢D就好正, 又大隻, 肉爽口, 最緊要係好有蝦既鮮甜味, 正! 長腳蟹有鮮味, 唔鹹口, 好食! 翡翠螺大大隻, 不過味道一般, 唔係話好鮮甜. 全部不斷refill, 唔洗爭! 凍肉只得兩款, 味道都可以架!沙律方面有雜果沙律、雞蛋沙律、薯仔沙律、自制沙律(自己整咁解), 居然有我最鍾意食既雞蛋沙律同埋薯仔沙律, 忍唔住都要食番D, 好味! 可惜冇煙三文魚, 不過佢都有細細卷既煙三文魚卷, 補番數!熱薰都有好幾款, 我食左大頭蝦、酥炸生蠔、魚、牛仔肉、咖哩燒鴨、絲瓜帶子、蠔餅、印尼炒飯 (老婆食左新加坡炒辣蟹, 佢話ok). 大頭蝦有羔, 酥炸生蠔
buffet 6:30開始, 6:15可以入去坐住先. 地方唔錯, 檯與檯之間闊落. 不過食自助餐, 最緊要都係有咩食先! 先講海鮮冷盤, 食左蝦、長腳蟹、翡翠螺. 我鍾意食蝦, 不過多數自助餐D蝦都淡口, 佢呢D就好正, 又大隻, 肉爽口, 最緊要係好有蝦既鮮甜味, 正! 長腳蟹有鮮味, 唔鹹口, 好食! 翡翠螺大大隻, 不過味道一般, 唔係話好鮮甜. 全部不斷refill, 唔洗爭! 凍肉只得兩款, 味道都可以架!
沙律方面有雜果沙律、雞蛋沙律、薯仔沙律、自制沙律(自己整咁解), 居然有我最鍾意食既雞蛋沙律同埋薯仔沙律, 忍唔住都要食番D, 好味! 可惜冇煙三文魚, 不過佢都有細細卷既煙三文魚卷, 補番數!
熱薰都有好幾款, 我食左大頭蝦、酥炸生蠔、魚、牛仔肉、咖哩燒鴨、絲瓜帶子、蠔餅、印尼炒飯 (老婆食左新加坡炒辣蟹, 佢話ok). 大頭蝦有羔, 酥炸生蠔唔錯, 魚淡口左D, 牛仔肉都係普通野, 咖哩燒鴨怪怪地, 絲瓜帶子都唔錯, 蠔餅麻麻, 印尼炒飯就唔好理佢有冇印尼feel, 不過我覺得好好食, 可惜好飽再食唔落多D, 真係好想再食呀!
飲品方面有咖啡、茶, 同埋任拎任飲罐裝汽水, 如果你鍾番佢兩罐汽水, 都值番唔少錢. 不過我就鍾意飲水, 所以只係飲清水.
甜品我冇食, 老婆話ok, 佢話朱古力慕思最好食!
我有渣車去, 有少量車位, 食滿$400有三小時免泊車 (兩個人去已經夠啦), 自己泊入停車場, 泊車tips都慳番, 抵! 冇位最多泊對面錶位, 大把位!
$288有75折(咩都唔洗印, 佢本身有75折), 計埋加一, 每位$244.8. 以呢個價錢, 有呢D野食, 我覺得抵食又好食. 佢冇生蠔(不過有酥炸生蠔, 當然唔可以相比), 冇刺身, 如果你鍾意食呢D就唔好諗, 如果唔係, 我絕對推介. 咩話? 要睇相? 咪又係果D樣! 味道好就ok啦!
Post