Amitie Kitchen (Moved) New Location

無意中揾到呢間餐廳，平日晚飯時間人流不多，我用餐時只有四檯客，所以都坐得好舒服。食物質素令我喜出望外！每一道都係即叫即煮，所以要有心理準備係慢食，但慢工出細貨，我覺得絕對值得等！如果好肚餓都唔洗驚，佢先嚟會有餐前飽，圖中三款都好好食，又暖又有少少喊味，最鐘意黑色嗰款，比較特別同脆口。依家唔多餐廳有蟹餅食了，一見到呢到有，二話不說叫左，外面煎脆左，入面係一絲絲蟹肉，當餐前小食!另外都係蟹，軟殼蟹沙律如圖，成隻蟹撻喺沙律上面，好足料，隻蟹又唔會炸到油淋淋，沙律酸度配合蟹一齊食剛剛好。海膽意大利麵就普普通通，餐廳職員有温馨提示要趁熱食，否則個汁同海膽變得結身同好漏，熱食時都好食嘅，但主觀覺得唔夠餐前菜好食。見到蛋糕櫃好吸引，吃貨忍唔住又好想試，於是叫左Earl Grey 味同Apple Crumble Cheese Cake, 唔甜但有濃濃Earl Grey 味，另一件都好特別Apple Crumble 味但口感變左cheese cake, 仲要勁大件，超滿足嘅一餐！