刈Bao台式創意小食 (Closed)

去葵芳欣賞名畫後到葵廣搵食, well….梗係試識新嘢啦, 行行下突然間想食鹽酥雞, 落單時發現早前雜誌介紹既刈包, 未食午餐既我決定一試! “刈包” 於台灣又稱 “割包”, 料似饅頭質地, 中間夾餡料, 類似中式蝴蝶包! 古早味腩肉包 $18 ~ 包包好似好細一個, 但其實都幾飽肚! 包質地好鬆軟滑溜, 豬腩肉好淋唔油膩, 滑口! 再加上薄片蘿蔔花生香菜等等佐料, 好豐富好滿足! 再一客綜合4號 (鹽酥雞拼香菇貢丸) $30 ~ 鹽酥雞足有6件, 外層非常鬆脆, 雞肉嫩滑有肉汁, 正! 香菇貢丸就係炸過既貢丸, 係濃香菇味嗰種靚貨!