Time Park Lounge

Open Now

Now Closed

老友話帶我尖沙咀食好嘢，好日唔行入去棉登徑，原來已經變成食街一樣，再唔係我以前認識燈紅酒綠嘅地方。到咗門口，原來地庫別有洞天，氣氛仲好優閒，個人落到嚟感覺輕鬆!職員送上餐牌同我地講最近出咗新嘅Wine list同Gin list，仲有新嘅牛扒菜式，好多選擇，我決定除咗揀一杯cocktail之外，其他交俾老友發辦，哈哈!“Whisky Sour”係 用Bulleit Bourbon呢隻美國威士忌，最啱我口味，酒味較濃烈；朋友嘅“Rainforest”係Mocktail，佢話好有果香，較適合佢地女士飲!呢度嘅courses set會有“什菜沙律配意大利黑醋”，呢個重點當然係要新鮮啦；今晚嘅餐湯係“周打魚湯”，個人喜歡佢多過忌廉湯；前菜有三款選擇，“日本牡丹蝦刺身”賣相精美，食落超級鮮甜，可惜得一隻，不知幾想叫多D嚟食；“燒八爪魚腳配蔬菜燒汁”八爪魚食落唔會好似外邊有D冇哂味道得舊肉，好嘢!朋友特登唔叫“自家制特式蟹肉燒賣”做前菜而係另外單點 ，已經知道佢食過翻尋味，果然出色，脆脆春卷皮包住蟹肉同沙律，竟然發生互相輝映嘅效果，明明係春卷但點解叫“燒賣”呢?“燒西班牙黑毛豬鞍”感受到廚師好用心