明星皇宮

Open Now

Now Closed

估唔到位於舊式屋苑入面的明星皇宮酒樓午市食點心都幾好味喎，本來冇期望，反而有驚喜，最特別係紅米脆脆腸粉，賣相特別得來，腸粉皮入面的油炸鬼和西芹又真係好脆口，好味！蝦餃和粉果又大隻，皮又唔厚，好足料呢；春卷正常，好脆；嗰碟黑椒金錢肚，好鬼大碟，牛肚大大嚿又夠厚，底層放咗芋頭，我怕油所以唔夠膽食咁多；最唔推薦食就係煎蘿蔔糕，唯一呢碟唔夠熱，亦煎得唔夠，而且粉太多好粘口。兩個人食七碟點心飽到上心口。這裏地方很大，有很多張細枱，枱與枱之間距離感一般啦，總括來說，食物質素唔錯，茶位$9一位：抵。不過唔鍾意呢度啲杯size 太細，一啖就飲晒一杯茶。