明星皇宮

Open Now

Now Closed

今日係農曆八月十五中秋節，決定去酒樓做節，訂咗枱話八點先有，酒樓7點打嚟話有枱，急不及待出發，酒樓滿座，但沒有以前逼人。先點半席六人餐，再加片皮鴨兩食。片皮鴨係熱皮脆，麽麽皮就有啲厚仲有啲硬，個個剩係食隻鴨，當燒鴨食都ok,係二百幾蚊唔多抵。涼瓜鴨件，涼瓜味甘甜，鴨件有啲老，醬汁適中幾好味。北菇鵝掌，鵝掌大大隻，北菇又大大隻，菇就無乜香味，生菜底豐厚。上湯蝦球伊麵，蝦球爽脆有蝦味，伊麵份量好多。吉列蝦配沙律，吉列蝦大大隻，不過粉就好厚，炸得香脆還可以。清蒸沙巴龍躉，條魚好大條超過兩斤，火喉啱啱好，新鮮嫩滑，。整體味道唔錯，份量比以往大好多，最後食唔晒要打包走

食物嘅問題就唔大，味道都係一如既往嘅ok，但係服務真係唔得，執執下嘢跑去隔離檯度飲茶影相，菜上得好慢，上咗四個菜就等勁耐，個男嘅員工唔知係咪經理，揮手完完全全睇唔度，係度睇電視嘅奧運？真心失望氣憤。

一早7點幾去飲早茶諗住早d去 大把位 唔洗搭枱入到去 真係8成空位 咁我當然隨便坐啦 但入面既人 唔比我坐低 就一定要我搭枱明明8成空位都唔比自己坐 我係街坊 都唔會再去呢間食 感覺係玩我 服務真的不太好 以後都唔想再黎食野

芝士焗海蝦伊麵酒樓午市小菜份量頗多，有多個套餐同優惠小菜可以選擇，價錢相宜，上菜速度快，味道中規中矩，但芝士焗海蝦伊麵相對較為出色，海蝦頗大隻，一碟都有八隻，以$88優惠價黎講，性價比幾高，海蝦新鮮，肉質結實，而且有大量拉絲芝士鋪面，芝士同一般酒樓食到既有少許不同，芝士味道較為咸香，而且比較creamy，每條伊麵都可以掛到大量芝士，食到碟底都重有好多，但不會覺得膩

本區的燒味店賣少見少雖然不算是燒味愛好者,但偶爾都會想吃一下之前吃過不太好吃的燒味一直那份想吃燒味的慾望沒法滿足今天經過這酒家門前發現有特價燒味外賣飯盒的宣傳牌抱著沒期望的心情去試一下這酒家開業到現在都沒有光顧過今天是首次光顧,看著宣傳單張也挺多特價食物之前在祥華街市吃過不太好吃的特價燒味飯盒一直沒法滿足吃燒味的心,所以今次也同樣點了之前的油雞脾叉燒飯又由於這酒家比那家店更便宜所以就不敢抱太大期望直到回家打開飯盒一盒足料正常的燒味飯盒就呈現在我眼前坦白說這個價錢真的沒預期有這麼足料的飯盒而且還多飯之餘還有幾條菜心,非常正常的飯盒叉燒雖然不是蜜汁燒到香脆那種可是作為叉燒應該有的它都有了外脆內軟,肥廋適中,叉燒調味都很不錯不會死咸、也沒有不入味的問題而且肉也沒有雪味或是臭豬味非常新鮮可口油雞脾也有半隻手掌大完全沒有因為是特價飯盒而偷工減料豉油很入味,豉油味味道帶點豆的香純味味道香僕不死咸,雖然算不上厚肉但也不廋,而且師傅刀功不錯沒碎骨坦白說28元一個飯盒送一盒小飲料以這個質素及份量真是CP值爆燈當然那盒紙包小飲料就不是什麼好喝東西可是即使沒送飯料,這個飯的質素這個價錢值了因為這個飯盒我開始

明星酒家，有明星的享受。雖然沒有人手，煮的嘢食也很好味相信沒有人手是每一間餐廳面對的問題，最驚喜的不是片皮鴨也不是燒鵝，而是炒芥蘭非常之軟入味，鹹魚加上肉粒非常之香，係可以送一碗白飯的菜式。這間酒樓喺祥華邨位置並不是很就腳，都是選做街坊生意的。黎粉嶺可以試下#祥華村 #粉嶺美食 #hkfoodie #foodie #foodkol #foodie@hk #foodie

與家人飲茶，新春首次去了明星，又係幾有趣。今年市道旺，人流不斷，飲茶的人十分多，一家大細，兩三小顆子。仲有奇景，小見多怪的我，就驚訝服務員忙著同茶客拜年取利是，那進取的行為非筆墨能形容。人少少，選了燒腩仔+粉：兩人分不錯，燒腩仔十分鬆化易咬，好好味。跟住仲有熱氣但超好味的，鮮蝦沙律雲吞：新鮮熱辣辣，沙律冰凍炸雲吞超配，香口脆片好食，咬到雲吞的蝦時，仲熱辣辣。👍牛柏葉魷魚：唔知點解咬唔開……應該未熟透。。。整體都有80分

侍應设有禮貌,服務態度又差,部長還開口問客攞利是,極品!客顧付利是和貼士,是事乎服務態度如何?也是自願性給予提供服務的侍應,待應既沒有提供應有的良好服務,還要出聲向客索取利是,令人反感!食物質素也是普通,以後再不會再光顧!

勁多老人家既酒店🧙‍♂️🧙🧙🧙‍♂️🧙🧙‍♂️🧙🧙‍♂️🧙竟然我地係全場最後生同朋友行完通宵山飲埋個茶先返屋企求其揾左間粉嶺站附近酒樓食一共叫左7樣野牛肉球竟然有4粒咁好幾好食依個正 入面脆 仲有隻蝦大份啲更好依個唔好食 唔好叫 好dry ar哭了 鮑魚雞粥得一粒超細既鮑魚 撈左好耐先撈到啲雞都好少肉 好weak鵪鶉蛋燒賣又幾好食😁😁😁果個卷唔記得咩黎應該正常 不過不失小籠包幾正😁😁😁😁

昨天提前和媽媽慶祝食母親節吃飯，我們點選酒樓提供的母親節套餐，6人份量的海斑宴餐試試。當食物陸續上場時，賣相看起來還可以接受，沒有太特別似的，當中海蜇伴乳豬件同碧綠彩鳳蘭花蝦這兩道菜是最好食的，乳豬吃起來香脆可口，配上乳豬醬更有驚喜，而碧綠彩蘭花蚝就好夠鑊氣，味道也是很好。而其他食物味道質素卻很普通，清蒸大海斑魚有點小，明明就是小海斑好像街市買$40-$50一條似的。另外當晚的荷葉飯，有怪味，應該是變咗的，然後我們跟服務員說，服務員聞過後，也確認真的是變了，然後很快幫我們換了瑤柱蛋白炒飯，不得不讚賞這個服務員，全程都非常之有禮貌，因限聚令放寬8人一枱，環境即使很忙，她也很服務周到，對每枱都很好。最後，有糖水但是沒有時令水果，糖水也是紅豆沙，總括覺得全部加起來不太值這個價錢

即興同朋友聚 呢度職員好多都好友善同細心，見到有bb ，好多野都有問下同幫我地。呢度好多野食都大碟又抵食，今晚叫左兩個煲，兩樣都熱辣辣，又香又好食。片皮鴨皮薄肉都好香脆，配料用晒員工又問我地要唔要添，好有人情味。屋村酒樓呢樣真係好。炸蠔配胡麻醬呢度碟炸蠔好特別配上胡麻醬，即叫即炸，新鮮又香口 ，朋友們勁快清左。沙拉蝦、椒鹽鮮魷沙拉蝦d醬咁樣真係hea左d， 不過即叫即炸呢樣真係好難得，好多都加左沙拉醬後會淋晒，呢度粉小又炸得香口。真係估唔到屋村酒家都咁多認真出品，真係要讚下佢。

今次又係同屋企人出街食晚飯，佢哋都係鍾意去酒樓食中菜，我們七個人點了幾個小菜。▪️枝竹羊腩煲（7.5/10）踏入秋冬時份都係開始食羊腩煲嘅季節，羊腩都幾鯰，竹筍都爽脆，加埋枝竹腐乳一齊食正呀。▪️姜蔥班頭腩煲（7.5/10）班腩份量都幾多嘅，姜蔥都爆得好香，好入味。▪️蒜蓉粉絲蒸扇貝（7/10）扇貝蒸得熟咗少少，蒜蓉豉油味道都ok，但粉絲多啲仲好。▪️沙薑雞 （9/10）隻雞賣相都唔錯，雞肉又好嫩滑，點埋沙薑粉一齊食都好好下飯。▪️紅燒妙齡乳鴿（7/10）上枱時都仲係熱辣辣，但塊皮就唔算好脆，但都多肉嘅，雖然係送嘅但都OK 㗎。▪️啫啫蝦乾芥蘭煲（8/10）呢個好香口，遠遠都聞到好香，加埋蝦乾又係好易送飯，特別開胃。▪️蠔皇北孤扣玉掌（7.5/10）呢個都係酒樓送嘅，蠔皇花菇都好香好鯰，玉掌都有三隻(但我冇食)，下面仲有生菜係底，味道都OK 。最後每人送上一碗綠豆沙。整體嚟講，晚飯都OK 。

大碟多選擇，味道唔錯，價錢貴左少少。😁😁😁😁😃😃😃😃環境坐得好舒服😆😆😁😁😄服務員多，服務唔錯。😋😋😋😀早晨孖寶唔多選擇🙂🙂

六時到達，不用等位，侍應安排入座。二人坐四人方枱，尚算舒適，開了龍井茶，茶味一般。本來想點魚、蝦，蟹 :咖喱麵包蟹~~無蒜茸開邊蒸蝦~~無６:40PM點菜，咁早就無。在門口看了有南非鮑$25/隻，但餐牌見是$50/隻，無叫。最後點了：孖寶~水煮酸菜龍躉球，南乳粗斎煲 ，一人免費送半隻乳鴿。我也不想再點了，唔想再聽到～～無～～。乳鴿先上，皮脆，有點鴿羶味，免費的沒要求了再來是南乳粗斎煲 ，熱辣辣，材料多，有茄子、白菜、粉絲、粟米芯、雲耳，雪耳，筍等等，南乳味足，味道不錯。最後上桌的水煮酸菜龍躉球，撲鼻而來的酸味、夾雜左大豆芽菜的草青味，我個人口味就唔喜歡大豆芽菜，所以先扣分，先呷一口湯汁，暖暖的，唔算熱辣辣，龍躉球有五至六件，魚肉唔鮮亦唔嫩，底部有大量粉絲，所以我們也沒有另叫白飯。味道夠酸，唔算辣，也夠麻，但所有配料加左一起就是不好吃。侍應主動送上椰汁西米露，有兩、三件小芋頭，椰水味香，甜度適中，總算有個甜甜的句號。埋單＄２１Ｘ，平，但唔算靚、正。

估唔到位於舊式屋苑入面的明星皇宮酒樓午市食點心都幾好味喎，本來冇期望，反而有驚喜，最特別係紅米脆脆腸粉，賣相特別得來，腸粉皮入面的油炸鬼和西芹又真係好脆口，好味！蝦餃和粉果又大隻，皮又唔厚，好足料呢；春卷正常，好脆；嗰碟黑椒金錢肚，好鬼大碟，牛肚大大嚿又夠厚，底層放咗芋頭，我怕油所以唔夠膽食咁多；最唔推薦食就係煎蘿蔔糕，唯一呢碟唔夠熱，亦煎得唔夠，而且粉太多好粘口。兩個人食七碟點心飽到上心口。這裏地方很大，有很多張細枱，枱與枱之間距離感一般啦，總括來說，食物質素唔錯，茶位$9一位：抵。不過唔鍾意呢度啲杯size 太細，一啖就飲晒一杯茶。