Video
Read full review
2023-11-02
672 views
好！驚！喜！🤩朋友之前去過食，話好正，今次佢做訂位，我仲諗緊中菜啫，係咪正到要大家去到黃埔食。（利申：平時係懶鬼，放工後少過九龍食飯😛）點知啲嘢真係估佢唔到咁正！朋友好貼心咁預訂咗幾度菜，全部都好味，尤其鍾意佢嘅清蒸東星斑，蒸嘅時間啱啱好之餘，仲要佢將部份嘅魚包成魚餃，一啖一隻，好好食。而佢嘅東星班，係將啲魚肉全部起晒出嚟，食得好方便，連平時我唔多鍾意食酒樓魚嘅都食咗好多舊😂啲質素真係好過好多大酒樓！另外有個特別就係凍蟶子，平時都係蒸完就食，第一次食凍嘅，估唔到咁爽口，而且仲有鮮味。佢加咗少少花椒，提升咗唔少層次感👍🏻脆皮手撕雞都係不得了，啲皮真係脆到卡卡聲！前菜有個辣魷魚，好惹味，食唔停口😋 個響螺湯亦都好好飲，一人飲咗起碼兩碗，好正！總括嚟講所有菜都係好好食，服務亦都好好，而最重要就係食完都唔口渴，對味精好敏感嘅我嚟講就更加加分！呢間餐廳一定有下次👍🏻👍🏻👍🏻
朋友好貼心咁預訂咗幾度菜，全部都好味，尤其鍾意佢嘅清蒸東星斑，蒸嘅時間啱啱好之餘，仲要佢將部份嘅魚包成魚餃，一啖一隻，好好食。而佢嘅東星班，係將啲魚肉全部起晒出嚟，食得好方便，連平時我唔多鍾意食酒樓魚嘅都食咗好多舊😂啲質素真係好過好多大酒樓！
另外有個特別就係凍蟶子，平時都係蒸完就食，第一次食凍嘅，估唔到咁爽口，而且仲有鮮味。佢加咗少少花椒，提升咗唔少層次感👍🏻
脆皮手撕雞都係不得了，啲皮真係脆到卡卡聲！前菜有個辣魷魚，好惹味，食唔停口😋 個響螺湯亦都好好飲，一人飲咗起碼兩碗，好正！
總括嚟講所有菜都係好好食，服務亦都好好，而最重要就係食完都唔口渴，對味精好敏感嘅我嚟講就更加加分！呢間餐廳一定有下次👍🏻👍🏻👍🏻
26 views
0 likes
0 comments
23 views
0 likes
0 comments
33 views
0 likes
0 comments
14 views
0 likes
0 comments
Post
