籠太子點心專門店 (Closed)

好鐘意飲茶，以前只會放假去飲早茶、午茶，平日番工好少去飲茶，因為我覺得茶慢慢嘆既，依家開左好多夜晚都有點心賣既餐廳，岩晒我！籠太子，我之前去過佢太子個間食過點心，有水準，所以見佢係銅鑼灣開左分店，就過黎試下。老火靚湯無得輸菊花蝦春卷: $25鐘意黎呢d新式點心店係有原因既，鐘意佢會有d平常飲茶食唔到既自創新式點心，菊花蝦春卷炸得香脆唔油膩，岩曬鐘意食香口野既人，裏面d蝦又新鮮。旋風芋茸流沙包: $25(左)樣靚仔，脹卜卜，包鬆軟，裏面芋茸唔會太甜，男朋友勁欣賞呢個包！鳳爪排骨飯: $30（右）排骨夠淋滑，飯粒粒分明，加埋豉油汁同排骨既汁一齊食，正！精選老火湯: $19今日係節瓜章魚煲豬骨，飲得出無落味精同好足料。章魚既味好出，大大碗真係正。原隻鮑魚燒賣: $34賣相夠呃like，原隻鮑魚食落好彈牙又夠鮮甜，而燒賣餡料既蝦肉又新鮮好食，必食之選！綿花雞：$30自創點心之外仲有呢d傳統點心，最鐘意係食佢既魚肚，夠爽又索晒雞肉既精華。不是炸両: $29腸粉包住類似春卷既野，脆脆的，另外最正係餡料既西芹同蝦好match，食出好香既味道。記得去太子個間既裝潢係有好多雀籠既裝飾，而銅鑼灣新店就好多