Video
Read full review
2023-05-04
4830 views
呢間餐廳都係我第一次黎，為左慶祝朋友生日先提早預定，揀左個叫品味順德既餐，一開始既appetizer已經充滿驚喜，有個類似古代人地飲酒既酒爵先黎先，我地仲以為係酒，點知係暖胃湯，湯既口感比較清甜，份量點到即止，唔會一下就塞飽左我地！之後就係魚子醬香煎粢飯，冇諗過有啲咁特別既前菜，呢個粢飯外脆內鬆軟，搭配魚子醬口味一流，極佳！前菜就都係順德傳統既小菜，有煎魚餅同涼拌魚皮，食落都幾正宗！同埋一人一件，比我地留番個肚食個set既野！主菜方面有鮑魚、黃花羹、帶子皇和魚嘴，都係一啲海鮮野，食落幾新鮮，唔係啲冷藏貨黎，之後就係佢哋既招牌乳鴿，都係每人半邊，唔係會食得太濟，隻乳鴿係皮脆肉嫩，唔知師傅係點整，隻乳鴿既肉汁係鎖曬係入面，一咬開啲汁就係咁流出黎，整得幾好食，有啲食過翻尋味既感覺，去到差唔多尾聲，就係一碟荀炒臘肉，啲荀都幾爽幾甜，仲有個海鮮炒米粉，師傅都整得幾有鑊氣，真係有種係順德食飯既感覺。最後就係生果同甜品，甜品係順德薑汁雙皮奶，冇諗過係香港都食到咁正宗既雙皮奶，平時係街食果啲都唔似順德果隻味，問左啲staff先知原來佢哋既師傅好多都係順德人，所以先會整到咁正宗既味道，唔洗特登番大陸都食
主菜方面有鮑魚、黃花羹、帶子皇和魚嘴，都係一啲海鮮野，食落幾新鮮，唔係啲冷藏貨黎，之後就係佢哋既招牌乳鴿，都係每人半邊，唔係會食得太濟，隻乳鴿係皮脆肉嫩，唔知師傅係點整，隻乳鴿既肉汁係鎖曬係入面，一咬開啲汁就係咁流出黎，整得幾好食，有啲食過翻尋味既感覺，去到差唔多尾聲，就係一碟荀炒臘肉，啲荀都幾爽幾甜，仲有個海鮮炒米粉，師傅都整得幾有鑊氣，真係有種係順德食飯既感覺。最後就係生果同甜品，甜品係順德薑汁雙皮奶，冇諗過係香港都食到咁正宗既雙皮奶，平時係街食果啲都唔似順德果隻味，問左啲staff先知原來佢哋既師傅好多都係順德人，所以先會整到咁正宗既味道，唔洗特登番大陸都食到呢啲味道，非常好，會再黎幫襯！
餐廳環境幾好，一入去就有啲園林景同埋有；啲雀仔聲同古箏既音樂背景，幾有雅緻！員工服務都好好，幾細心，係book之前講左有朋友生日，就幫我預備左啲壽桃用，尾聲果陣同蛋糕一齊推入黎，朋友都覺得好驚喜同好鍾意，幾好幾好！體驗佳！
82 views
0 likes
0 comments
Post
