喜萬年酒樓 (Moved) New Location

睇完蘇絲黃介紹喜萬年的乳豬有幾好食，昨夜終於約埋班friend去試試，可惜成間酒樓實在令人失望！乳豬本來都OK啦，但又唔係好食到飛天囉！而佢出名的炒鮮奶，炒得老，又好咸，唔通唔係蘇絲黃黎就可以整成咁？最慘係伙記招呼奇差，點菜重覆講完兩次後，點知原來都未落單，侍應大姐仲大條道理話"係呀，係未落單架！"，都不特止，適逢其會係"XXX先生光榮離職回歸祖國做好工大派對"（佢個backdrop係咁寫架），一班同胞大唱你同我都無可能識的五,六十年代國語歌，令我極有時光倒流feel之餘，仲同榕樹頭賣唱無乜分別，簡直頭都痛埋！最後又係送糖水時間，同一位侍應大姐又要我地重覆兩次講要乜糖水，最後當然又係整錯晒收場，我地要求換，佢講大話話話無晒，又話"係咁架喇"，最後怕我地投訴，又搵到幾碗之前話無晒的糖水出黎，十分神奇！我諗，如果蘇絲黃尋日同我一齊去，或者佢會考慮攞狗頭鍘出黎，如果有心食好野的話，可以唔洗去喇，如果想食到一肚氣，都可以諗諗！