Video
Read full review
2010-03-28
20 views
本來想食萬豚屋，但等位情況令人怕怕，因此轉戰呢度。領籌後，得悉要多等二十多張枱，但眼見留低等既人唔多，心想應該好快，所以拍板！最後都大約等左45分鐘先被安排入坐。 牛柳刺身沙律：牛柳刺身幾好，幾新鮮，但個salad dressing無咩味，得個油字… 鹽燒薄牛舌：剛上枱都呃得下人，幾爽…但唔夠幾分鐘就原形畢露！既油且有d牛蘇味… 露筍煙肉卷、鵪鶉蛋煙肉卷 & 燒雞翼：露筍煙肉卷幾好，露筍好甜同爽口，但煙肉過咸。鵪鶉蛋煙肉卷就麻麻，鵪鶉蛋唔似鵪鶉蛋！而個配搭亦唔襯…叫佢係我地既錯…燒雞翼係一般水準既燒雞翼，無特別，但要提提，呢度既燒雞翼，一定好過鳥羽！ 特製什錦豬骨湯拉麵：其實就係叉燒五花腩配特濃豬骨湯拉麵，拉麵本身麻麻，既無麵香，亦無彈牙麵質。豬骨湯好濃，但唔夠豬骨香…而叉燒，偏鞋亦無肉香。但個五花腩肉認真唔錯！ 既然係五花腩，肉質當然鬆軟！而咬落亦有齒頰留香既香味。個糖心蛋，雖然做到糖心既效果，但蛋本身唔係靚蛋，一d蛋香都無…有d失望。 沖繩鹽味牛奶雪糕：Order既時候都幾擔心呢個配搭會好難接受！但試左一口就停唔到口！你見張相就知，黎唔切停口去影相！ 鹽味好清淡，先食到鹽味，慢
牛柳刺身沙律：牛柳刺身幾好，幾新鮮，但個salad dressing無咩味，得個油字…
鹽燒薄牛舌：剛上枱都呃得下人，幾爽…但唔夠幾分鐘就原形畢露！既油且有d牛蘇味…
露筍煙肉卷、鵪鶉蛋煙肉卷 & 燒雞翼：露筍煙肉卷幾好，露筍好甜同爽口，但煙肉過咸。鵪鶉蛋煙肉卷就麻麻，鵪鶉蛋唔似鵪鶉蛋！而個配搭亦唔襯…叫佢係我地既錯…燒雞翼係一般水準既燒雞翼，無特別，但要提提，呢度既燒雞翼，一定好過鳥羽！ [詳情見：http://www.openrice.com/gourmet/reviews.htm?userid=157944#review2068307]
特製什錦豬骨湯拉麵：其實就係叉燒五花腩配特濃豬骨湯拉麵，拉麵本身麻麻，既無麵香，亦無彈牙麵質。豬骨湯好濃，但唔夠豬骨香…而叉燒，偏鞋亦無肉香。但個五花腩肉認真唔錯！ 既然係五花腩，肉質當然鬆軟！而咬落亦有齒頰留香既香味。個糖心蛋，雖然做到糖心既效果，但蛋本身唔係靚蛋，一d蛋香都無…有d失望。
沖繩鹽味牛奶雪糕：Order既時候都幾擔心呢個配搭會好難接受！但試左一口就停唔到口！你見張相就知，黎唔切停口去影相！ 鹽味好清淡，先食到鹽味，慢慢鹽味將香濃既牛奶味帶出，好有層次既雪糕，好特別！
咖啡凍：超苦無咖啡味。直情唔可以叫係咖啡凍！如果有香濃咖啡味，我地可以當係expresso，但個咖啡處理過度，咖啡有酸味，本身既咖啡亦唔係靚品種，無咖啡香，仲要極苦，落晒成杯仔糖漿都食唔落！
但不得唔提係佢地既服務。我要講既唔係整體既服務，只係個別既細心員工。我地先向著黑套裝既經理示意埋單，而經理亦依程序既到casier示意。未幾另一普通員工見我地攞住銀包同credit card，亦見我地枱上幾乎無掂過既咖啡凍，於是先再確認我地係咪已經通知我地要埋單，及後亦有禮貌地問我地唔食咖啡凍既原因。該店員除左認真聆聽我地既意見後，待清理枱上既咖啡凍，隨即呈上帳單，並主動表示已替我地取消該咖啡凍既收費。 今時今日甘既服務態度，先係香港好客之道既指標！但都賣少見少了…
總括而言：五花腩喧賓奪主既程度極高，高到無佢既拉麵可以唔食！ 其他食品淺嘗便可。
Post
