榕記車仔麵 (Closed)

通常我們熟識既經典港式平民美食 車仔麵，都係藏身於街頭巷尾，唔知道係咪因為呢個原因，寶琳站附近新開既呢間榕記車仔麵位置都有啲隱世，住左係寶琳10幾年都好少經過呢度，咁岩呢日諗住行去茵宜花園經過見到就二話不說入去試下，始終車仔麵係我地香港人既庶民美食，一定要大力支持下。價錢都幾合理，兩餸麵30蚊再叫埋杯野飲晚可以40蚊內搞掂算宜家市面上好難搵到，30幾款餸料中有傳統經典選擇，也有特別配料，當中「貓耳」到底係乜東東⋯⋯我真係好想知！！自選湯底配料既時候發現，除左豬骨湯底外，仲有保健湯底 姬松茸蟲草花養生湯，聽到個名已經覺得成個人精神晒，保身之餘又岩晒食素。我朋友嗌左呢個，我自己就㨂左白果胡椒豬肚湯。跟據我多年飲食經驗，一碗出色既車仔麵功夫多，利潤低，要做得好食並不容易！配料既味道同份量正常，可以唔洗多講，呢個胡椒湯好香濃，超入味！唯一既問題係湯底幾辣，鐘意食辣既我當然冇問題，但唔可以食辣既人就要自己考慮喇。順帶一提，呢個係朋友叫既姬松茸蟲草花養生湯麵，飲落口甘甘甜甜既，蟲草味幾重，不過我個人都係比較鐘情胡椒湯底。令我覺得呢間餐廳最特喇既地方係牆上貼左好多相片同掛左兩部單車，原來係店主們參加