Video
Read full review
2023-06-21
128 views
冇諗過可以喺尖沙咀露營😜未入門口先興奮！成間餐廳嘅佈置都係以露營為主題, 餐檯、座椅、餐具通通都係露營用品, 每張枱都有一盞露營燈, 入座時侍應就會幫你點著佢😱仲犀利過去迪士尼😜食物主打燒烤, 但都有其他熱食, 例如牛肉烏冬...當然係叫佢哋嘅燒烤套餐, 相對嚟講平啲！呢個套餐有兩塊雪花肥牛, 兩塊牛肋肉同四塊肥豬肉, 有啲唔係好辣嘅kimchi做前菜, 有一碗真係有蜆嘅麵豉湯, 有一條珍珠粟米, 一條秋葵, 一塊好薄嘅南瓜, 一塊茄子同一塊雞髀菇； 因為我都估到唔夠飽, 所以加咗50 gram雞肉！雪花肥牛同牛肋肉質素都幾好, 不過就唔係太有牛味； 嗰四塊肥豬肉, 有少少韌； 反而雞肉連住雞皮, 燒起上嚟好香😋唔知點解我條秋葵好老, 燒完之後咬唔到！燒嘢食點可以唔配啤酒, 我叫嗰杯 Crazy Rich IPA 手工啤酒好細杯, 甜酸味比較重, 係好飲嘅, 不過58蚊有啲貴！臨尾用25蚊加咗個黃豆粉雲呢拿雪糕, 裏面仲有兩粒mochi, 好大杯好抵食！整體食物質素中上, 但氣氛真係一流, 玩味十足😍喺正尖沙咀K11 價錢又唔係超貴, 都食得飽, 都係一個唔錯嘅選擇。臨走見到佢哋有戶外
成間餐廳嘅佈置都係以露營為主題, 餐檯、座椅、餐具通通都係露營用品, 每張枱都有一盞露營燈, 入座時侍應就會幫你點著佢😱仲犀利過去迪士尼😜食物主打燒烤, 但都有其他熱食, 例如牛肉烏冬...
當然係叫佢哋嘅燒烤套餐, 相對嚟講平啲！
牛、豚套餐加50g雞肉
$261
5 views
0 likes
0 comments
呢個套餐有兩塊雪花肥牛, 兩塊牛肋肉同四塊肥豬肉, 有啲唔係好辣嘅kimchi做前菜, 有一碗真係有蜆嘅麵豉湯, 有一條珍珠粟米, 一條秋葵, 一塊好薄嘅南瓜, 一塊茄子同一塊雞髀菇； 因為我都估到唔夠飽, 所以加咗50 gram雞肉！
雪花肥牛同牛肋肉質素都幾好, 不過就唔係太有牛味； 嗰四塊肥豬肉, 有少少韌； 反而雞肉連住雞皮, 燒起上嚟好香😋唔知點解我條秋葵好老, 燒完之後咬唔到！
燒嘢食點可以唔配啤酒, 我叫嗰杯 Crazy Rich IPA 手工啤酒好細杯, 甜酸味比較重, 係好飲嘅, 不過58蚊有啲貴！
Crazy Rich IPA 手工啤酒
$58
6 views
0 likes
0 comments
臨尾用25蚊加咗個黃豆粉雲呢拿雪糕, 裏面仲有兩粒mochi, 好大杯好抵食！
黃豆粉雲呢拿雪糕黃豆粉雲呢拿雪糕
$25
5 views
0 likes
0 comments
整體食物質素中上, 但氣氛真係一流, 玩味十足😍喺正尖沙咀K11 價錢又唔係超貴, 都食得飽, 都係一個唔錯嘅選擇。
臨走見到佢哋有戶外用餐區, 冬天喺嗰度食應該一流, 但現在夜晚都成30度, 有啲浪費咗嗰度嘅地方！
Post
