屯門咖喱屋

Open Now

Now Closed

喺屯門大嘅人都一定會食過呢一間屯門咖喱屋。咁以前呢，其實佢旁邊仲有一間佐敦咖喱屋嘅。傳聞仲好食過屯門咖喱屋，但後尾執咗之後，就淨返間屯門咖喱屋做獨市生意。雖然係獨市生意，但佢嘅價錢一啲都冇吊高嚟賣。咁多年黎，都係非常之實惠。平時一個午餐都係$48已經有交易，如果你係學生嘅話就更平，只係$40。以今時今日嘅物價黎講，真係非常之抵食。佢嘅味道如何呢？夠唔夠正宗呢？其實我都未真係去過印度食咖喱，所以都唔知道印度咖喱係咪真係咁。不過呢，我就去過香港嘅重慶大廈食。食完我覺得屯門咖哩屋仲好食過我喺重慶大廈食嗰間咖喱。咁所以呢，我相信味道黎講，佢都的確算唔錯。好食指數：👍🏻👍🏻👍🏻👍🏻👍🏻抵食指數：👍🏻👍🏻👍🏻👍🏻👍🏻回頭指數：👍🏻👍🏻👍🏻👍🏻👍🏻咖喱牛（連餅，飯，雞湯，豆蓉，薯條，飲品）啲薄餅幾軟熟又熱辣辣，用嚟點curry勁好食。咖喱牛同其他咖喱比，個汁會相對濃味同辣少少，亦都更惹味。鐘意冇咁重口嘅朋友，suggest 叫咖哩雞或者魚，咁就會淡口啲啲。咖哩入面嘅薯仔炆到勁林，好好好食。至於薯條其實都係普通薯條，不過我記得佢以前係用好幼身嗰種french fries，宜家轉左用粗身啲嘅薯條，我覺得