京笹居酒屋

Open Now

Now Closed

今日同女朋友到我哋平時都好鍾意食嘅一間日本人開嘅居酒屋餐廳。點解我哋咁鍾意食就係因為佢可以做到日本嘅質素而且價錢一啲都唔貴，一個午餐都係六$70左右，仲要係賣相味道係日本嘅食店水平一樣。而我哋今日就叫咗牛肉壽喜燒定食$72，套餐包括白飯麵豉湯，壽喜燒都係係一般嘅日本餐廳都可以食到，但係呢個嘅味道就做到好日本，味醂剛剛好唔會令到成個壽喜燒好甜，牛肉份量亦都好多而且質素唔係普通貨牛味好濃郁，咁樣就加咗京蔥，芋絲，菜，金菇等等，仲有隻生蛋俾你去點，一個人食夠晒，非常之滿足另外我哋仲叫咗一個雞扒定食$63， 賣相非常之靚，炸過嘅雞扒上面加咗蘿蔔蓉做點綴非常之美觀，淨係睇已經夠好，同雞扒本身都好新鮮，我雞扒配有椰菜絲，沙律醬，同埋一個佢哋自製嘅雞扒酸辣汁，要呢個價錢食到呢個質素真係搵唔到喺香港。最後我哋都食淨少少雞扒因為份量真係好多，雖然佢哋真係煮得好好食。要喺香港租金咁貴嘅地方可以食到咁平質素咁好嘅餐真係好難，仲要係食到日本嘅質素同味道就更加之難，所以要特別推介一下呢間餐廳。