Video
Read full review
2023-03-27
565 views
有日喺沙田新城市廣場，我話請個日本小朋友食日本嘢，俾佢話事去邊度食，佢帶咗我嚟呢間餐廳。橫掂都未嚟過，即管試吓啦。店員帶咗我哋三個人入到餐廳最入面，個小朋友見到張四人枱中間有度趟門，可以分隔變兩張二人枱，已經好興奮。我哋三個人都叫同一樣嘢：多賀野醬油拉麵，$128一碗，仲有加一，其實都幾貴$$$，不過認承咗個小朋友，貴都冇辦法啦。好彩個麵賣相同味道真係好okay。醬油湯底唔會太鹹，望落去好似清湯，最重要唔會肥到一層油喺面頭，啲叉燒嫩滑，啲面少少煙韌，有啲意粉嘅Al Dante feel😋。值得一提嘅係，我個日本朋友話呢度有啲嘢好貼日本當地文化。例如：佢哋俾你抹手嗰條真係毛巾，唔係濕紙巾。另外，隻碗底有句message，不過你要飲哂啲湯先見到。😂講到尾，貴就貴咗啲，不過都值得一試。😋
店員帶咗我哋三個人入到餐廳最入面，個小朋友見到張四人枱中間有度趟門，可以分隔變兩張二人枱，已經好興奮。
我哋三個人都叫同一樣嘢：多賀野醬油拉麵，$128一碗，仲有加一，其實都幾貴$$$，不過認承咗個小朋友，貴都冇辦法啦。好彩個麵賣相同味道真係好okay。醬油湯底唔會太鹹，望落去好似清湯，最重要唔會肥到一層油喺面頭，啲叉燒嫩滑，啲面少少煙韌，有啲意粉嘅Al Dante feel😋。
醬油叉燒拉麵
$128
23 views
1 likes
0 comments
值得一提嘅係，我個日本朋友話呢度有啲嘢好貼日本當地文化。例如：佢哋俾你抹手嗰條真係毛巾，唔係濕紙巾。另外，隻碗底有句message，不過你要飲哂啲湯先見到。😂
講到尾，貴就貴咗啲，不過都值得一試。😋
Post
