Video
Read full review
2023-11-22
146 views
連鎖餐飲嚟講首推樂天皇朝，見到佢喺airside有新分店超開心，終於唔駛搭車就食到～餐廳喺4樓，相對人流較少清靜啲。餐廳面積都幾大，有大玻璃望到入廚房睇師傅整包點。食過好多次八色小籠包今次試下其他菜式，水準一貫中上，烤麩大大粒調味開胃，蒜蓉菠菜有少鹽少油選擇，揀完果然有返幾分住家菜嘅健康感。包點方面今日嗌咗蒸素餃同埋生煎包，前者菜饀切得夠幼細口感出色，後者比想像中多肉汁，而且包底煎到金黃色但唔硬，感覺冇咁熱氣👍🏻肉類方面試咗呢度嘅京醬肉絲，肉絲份量比薄餅多，所以食嘅時候都唔駛就住就住，相對嚟講呢個餸最濃味，比起薄餅如果用厚身刈包夾可能更理想。最有驚喜係甜品，我地叫咗酒釀芋圓，呢個配搭幾新鮮，而且啲芋圓係超迷你版，又難得地細粒到咁都仲食到絲絲芋味，推介～
餐廳喺4樓，相對人流較少清靜啲。餐廳面積都幾大，有大玻璃望到入廚房睇師傅整包點。
食過好多次八色小籠包今次試下其他菜式，水準一貫中上，烤麩大大粒調味開胃，蒜蓉菠菜有少鹽少油選擇，揀完果然有返幾分住家菜嘅健康感。
包點方面今日嗌咗蒸素餃同埋生煎包，前者菜饀切得夠幼細口感出色，後者比想像中多肉汁，而且包底煎到金黃色但唔硬，感覺冇咁熱氣👍🏻
肉類方面試咗呢度嘅京醬肉絲，肉絲份量比薄餅多，所以食嘅時候都唔駛就住就住，相對嚟講呢個餸最濃味，比起薄餅如果用厚身刈包夾可能更理想。
最有驚喜係甜品，我地叫咗酒釀芋圓，呢個配搭幾新鮮，而且啲芋圓係超迷你版，又難得地細粒到咁都仲食到絲絲芋味，推介～
Post
