Video
Read full review
2019-04-05
88 views
小弟縱橫放題幾十年，未曾試過咁差嘅放題！最陰功係今晚我請朋友食飯，但居然難食到呢個地埗，我成餐飯不斷同對方話唔好意思。。一如所說，為咗唔好失禮，小弟叫咗刺身+高級美國牛肉每位盛惠$258，但出嚟嘅嘢係極級過份。。如圖所示，三文魚薄如手A4 紙，睇到刺身師傅手幾咁高章，甜蝦、馬刀貝、榮螺全部都係無味嘅，有嘅就只有溶冰後嘅冰水味，好離譜勁火滾，收緊極尚瀛喜嘅價錢，但連爭鮮質素都無，唔怪之得成間舖5張枱都無。。壽司亦係利害至極！能夠搵嚟手指甲咁大塊嘅帆立貝再橫刀劏開一半放响舊飯度，點睇師傅嘅刀工都真無敵果隻；加埋乾旱皺皮嘅鰻魚，真係情何以堪！豬肉算係唔錯，唔會得個肥字。。我哋叫嘅中價位牛肉樣子都ok嘅，但肉味欠奉，只能夠話有舊肉响口度𡁻吓𡁻吓。。湯底叫咗個最辣嘅辛辣湯，單一無層次嘅辣味原來都幾清。。海鮮類都幾多嘢㨂，生蠔、魷魚、花膠、墨魚滑等一大堆，但非常神奇地所有嘢都係淡而無味㗎。。。點解可以做到咁？一堆嘢咁上真係見到都唔開胃，仲要係只有雪味嘅海鮮。。蝦，係霉嘅；東風螺，係有激烈泥味；蜆就最正常，食得落口。唔知呢間店嘅好評係點儲返嚟，但一間位於油塘好靠街坊支持嘅店，用咁嘅價格水準去見人，有
一如所說，為咗唔好失禮，小弟叫咗刺身+高級美國牛肉每位盛惠$258，但出嚟嘅嘢係極級過份。。
如圖所示，三文魚薄如手A4 紙，睇到刺身師傅手幾咁高章，甜蝦、馬刀貝、榮螺全部都係無味嘅，有嘅就只有溶冰後嘅冰水味，好離譜勁火滾，收緊極尚瀛喜嘅價錢，但連爭鮮質素都無，唔怪之得成間舖5張枱都無。。
壽司亦係利害至極！能夠搵嚟手指甲咁大塊嘅帆立貝再橫刀劏開一半放响舊飯度，點睇師傅嘅刀工都真無敵果隻；加埋乾旱皺皮嘅鰻魚，真係情何以堪！
豬肉算係唔錯，唔會得個肥字。。
我哋叫嘅中價位牛肉樣子都ok嘅，但肉味欠奉，只能夠話有舊肉响口度𡁻吓𡁻吓。。
湯底叫咗個最辣嘅辛辣湯，單一無層次嘅辣味原來都幾清。。
海鮮類都幾多嘢㨂，生蠔、魷魚、花膠、墨魚滑等一大堆，但非常神奇地所有嘢都係淡而無味㗎。。。點解可以做到咁？一堆嘢咁上真係見到都唔開胃，仲要係只有雪味嘅海鮮。。
蝦，係霉嘅；東風螺，係有激烈泥味；蜆就最正常，食得落口。
唔知呢間店嘅好評係點儲返嚟，但一間位於油塘好靠街坊支持嘅店，用咁嘅價格水準去見人，有乜意思呢？
後記：店員其實好有禮貌好幫手，個系統落唔到order又會幫我哋諗辦法，但無奈食物質素太差，眼見佢哋俾隔離枱個客發爛狂鬧，真係戥佢哋前線人員慘。。
Post
