羊滋味

Open Now

Now Closed

紅燒羊腩（大） $138有骨有肉，羊肉夠燜夠入味，羊肉唔算太羶，易入口，配埋自家辣辣哋嘅醃酸蘿蔔，幾夾。乾鍋花菜飯 $58同喺大陸食開嘅乾鍋花菜唔太一様，多好多配料，有洋蔥，雲耳，豆皮等等。唔算太辣，夠味又惹味，份量仲唔少👍🏻蒙古酸菜餃 $38店員話呢個係新嘅蒙古菜式，豬肉加埋酸菜嘅組合，唔算好酸，豬肉味都濃，配醋食唔錯。夫妻肺片 $68食過嘅四川夫妻肺片通常用牛腱牛肉，其實冇肺嘅，呢個蒙古夫妻肺片係用羊肺嘅，下面有大量青瓜絲，個汁係好開胃酸酸哋嘅醋。呢間蒙古食店，主打食羊肉，不過亦有其他肉類選擇。除羊腩煲之外，仲有好多其他蒙古羊肉菜式，嗜羊及羊雜嘅唔好錯過。