Video
Read full review
2020-11-24
1169 views
本身將軍澳係劣食之地，自從商場翻新過引入唔少食肆真係生色不少。呢間台灣野就喺將軍澳中心最尾，都好僻下，加上個裝修太商業化令人唔係好想入去食。但往往你以為唔好食嘅嘢原來有驚喜！首先佢餐牌都幾多花款，不過見佢推薦呢款“十七歲的麵”就一於試下。自選車仔麵得呢個冇得揀醬汁同湯，配料都有相當多選擇。我就分別叫咗麻椒貢丸、炸魚蛋、麻辣鴨血、金錢肚同白蘿蔔。一碗大辣一碗小辣。但呢個就係重點！好辣好辣好辣。無論大中小辣我都覺得一樣咁辣😂😂大辣嗰碗食一啖已經頂唔順狂咳，佢啲辣仲要係被辣油濁親，喉嚨好難受嗰種。本身其實係嗜辣之人，都一路食一路抹汗。所以大家叫之前要有心理準備。小辣嗰碗叫好d但都好辣，忍唔住倒晒碗湯入去中和下。冇錯，佢好似食菜遠撈麵咁有碗湯畀你。除咗太辣之外呢其實唔影響整體味道，個醬好似xo醬咁，有啲瑤柱粒粒喺入面，係幾惹味同開胃，不過稍嫌太多辣油。但總括來說係好食嘅。配料除咗個貢丸之外真係冇乜特別，貢丸入面有啲辣椒碎咁。其實成餐最好味係個油麥菜，佢餐牌寫炒a菜。一上枱浸蒜香味撲鼻，食到停唔到口，啲菜好清甜鮮嫩，可能落咗糖炒，雖則都係好多油，不過可能就係因為咁所以好好食。咁見佢咁多嘢食就再嗌
但往往你以為唔好食嘅嘢原來有驚喜！
首先佢餐牌都幾多花款，不過見佢推薦呢款“十七歲的麵”就一於試下。自選車仔麵得呢個冇得揀醬汁同湯，配料都有相當多選擇。我就分別叫咗麻椒貢丸、炸魚蛋、麻辣鴨血、金錢肚同白蘿蔔。
一碗大辣一碗小辣。
但呢個就係重點！
好辣好辣好辣。
無論大中小辣我都覺得一樣咁辣😂😂大辣嗰碗食一啖已經頂唔順狂咳，佢啲辣仲要係被辣油濁親，喉嚨好難受嗰種。
本身其實係嗜辣之人，都一路食一路抹汗。所以大家叫之前要有心理準備。
十七歲的麵
44 views
0 likes
0 comments
小辣嗰碗叫好d但都好辣，忍唔住倒晒碗湯入去中和下。冇錯，佢好似食菜遠撈麵咁有碗湯畀你。
32 views
0 likes
0 comments
除咗太辣之外呢其實唔影響整體味道，個醬好似xo醬咁，有啲瑤柱粒粒喺入面，係幾惹味同開胃，不過稍嫌太多辣油。但總括來說係好食嘅。
配料除咗個貢丸之外真係冇乜特別，貢丸入面有啲辣椒碎咁。
其實成餐最好味係個油麥菜，佢餐牌寫炒a菜。一上枱浸蒜香味撲鼻，食到停唔到口，啲菜好清甜鮮嫩，可能落咗糖炒，雖則都係好多油，不過可能就係因為咁所以好好食。
19 views
0 likes
0 comments
咁見佢咁多嘢食就再嗌多個鹽酥雞啦，啲雞肉真係麻麻地。味道都還好，唔係好正宗囉不過。但佢呢個價位呢個地區我都唔會太高要求，唔使要人整到士林夜市咁嘅。
20 views
0 likes
0 comments
整體來講，價錢合理，味道滿意，份量足夠，就係可以唔使咁辣，始終香港人唔係個個接受到。
Post
