麵屋黑岩

Open Now

Now Closed

中午同同事去食拉麵！叫咗鰹魚湯火炙豚肉拉麵，中午午餐可配小食，要左芥末薯蓉。鰹魚湯湯底不錯，濃郁但不會過咸，不過同事叫的海老就越食越鹹。我中意要佢嘅麵質，會掛到湯。火炙豚肉一般，食唔出火炙嘅風味，肉質偏乾。成碗拉麵，我最唔滿意就係嗰兩塊炸蓮藕，油益味，又凍，仲好硬，好難咬開，感覺就係整完之後放咗好耐。其實成碗麵比呢兩塊蓮藕拉低哂啲分，定其實佢哋係裝飾嚟㗎？小食係芥末薯蓉，幾特別。第一啖食落去好怪，但係慢慢食下食下又接受到。