米走雞Live

Open Now

Now Closed

同家人到觀塘食雞煲打邊爐，見到餐牌有多款雞煲，難得見到新穎的芝士雞煲，見到幅相勁多芝士所以被吸引了，裡面係炸雞，好似食緊Fusion菜咁咁，先係韓式炸雞，食完加入清湯又變返中式火鍋遠處傳來live band 的動聽歌聲，好有feel ，先調味，六款任君選擇。芝士雞煲（大）$238先上場，好多芝士鋪面，還有乾蔥及大量洋蔥，炸雞已熟，㷫熱讓芝士溶左就食得，店員提醒由面食，不要攪底部，避免黏底。芝士溶左一半，有拉絲效果，入口好creamy 。食完炸雞，加入清湯，隨即可變成火鍋，點了特級雪花肥牛（小）$158，油脂分佈均勻，肉質嫩滑又香，加了鮮腐竹（半）$17，好香豆味，要快食，否則腐竹容易溶晒在湯內，呈現奶白色的湯底。再點了貢丸（半）$22，好大粒，唔會太重味精味，肉質彈牙，還點了牛柏葉$43，好爽口，比出面好食喎，食到唔停口，完全唔韌。最後點了稻庭烏冬$21，索晒啲濃湯味，烏冬夠彈牙，好味。