The Yell-Owl Cafe (Closed)

母親節當日早上謙謙補完習後， 我地就選擇左去The Yell-Owl Cafe 嘆我地的 Lunch ， 呢到除左set 好份量的 all day 仲有自選😍 所以謙謙就叫左個 謙謙版 All Day Breakfast。🥣 周打蜆湯 ～ 入口香濃，仲要有幾隻蜆係湯入面加分。🍟 芝士肉醬薯條 ～ 即炸的薯條已經特別香脆上面仲要加芝士肉醬，夠哂沖擊味蕾，邪惡指數滿分。💟 黑松露炒蛋、煙三文魚、煙肉、大啡菇、薯餅兩份、蟹肉牛油果酸種包， 呢碟超級豐富的All Day Breakfast，有質素個蟹肉牛油果軟綿綿配上酸種包那個脆口超夾。謙謙見到咁豐富已經心心眼，因佢真係好鍾意食 All Day Breakfast 。🥩 草飼牛柳配忌廉焗薯 ～ 牛柳甘美鮮甜，維持精嫩入口即化的口感，焗薯做得精緻又高質。🍮 焦糖燉蛋 ～ 上面的一朵士多啤梨花又靚又香甜，下層的焦糖燉蛋香滑，啖啖都有陣陣的奶香。🍹 Yogurt & pineapple ～ 成片菠蘿圈係杯上，打卡靚之餘，味道酸甜涼快。🍹 Mint Mocha ～ 太耐無飲過甜的咖啡，母親節獎勵一下自己嘆杯薄荷朱古力啡香甜一下。