The Yell-Owl Cafe (Closed)

旺角鬧市中的黃色小店 性價比高既餐廳 位置係市區 十分之方便 而且西餐廳既晚市做到呢個價錢 簡直係超值 我地叫左個set for 2 套餐內容豐富 有兩個頭盤 兩個主菜 仲包埋兩杯指定野飲 如果想飲其他特色飲品可以補返差價意大利熟火腿大孔芝士沙律配酸種包 呢碟一送到黎 即刻聞到芝士味好香 食落覺得啲配料好夾 作為前菜非常適合周打蜆湯 好creamy 又唔會太膩 蜆肉大大粒 配埋面包脆脆好夾 好好飲 直頭想encore安格斯牛板腱配薯條扒露荀及及扒番茄 炸薯條烤得岩岩好 唔會太冧 口感係我中意食既薯條 牛扒無得揀幾成熟 但非常適合我 感覺似7成熟 煎得岩岩好 又唔會太老 又唔會食落好硬自家製番茄醬阿根廷紅蝦藍青口意粉 蝦都係好好食 自家製既番茄味好濃郁 意粉係扁意粉來的 醬汁同意粉既比例岩岩好 唔會太濕又唔會太乾吉列阿根廷紅蝦 係我加配的小食 蝦炸到岩岩好 蝦殼都好酥脆 好食到食埋蝦殼

旺角依舊好熱鬧, 今晚趁空間時間來逛一 逛。店內有隻栩栩如生貓頭鷹的霓虹燈，令我回想起看過『師傅來了』……每集介紹香港各行各業的專業，師傅對本行的專業，堅持 、突破及創新。食材新鮮豐富，飲品精緻可暢飲，甜品不太甜，美味又有驚喜！#草飼牛柳配法式蛋黃醬（10安士配忌廉焗薯）：自然飼養的牛柳，感覺比較天然及減炭，吃了口感也是很純淨……感覺比較健康。肉質很嫩滑，沒有痴牙，肉汁多，越吃越甜美。 配上蕃茄，焗薯，茄子……相當可口又健康。#周打蜆湯 ：濃郁的忌廉湯，值得一嚐試，真係好味道，不是普通的烹調，令人回味。#周打蜆湯 ：濃郁的忌廉湯，蜆肉也甜甜的#牛油果蛋沙律 ：忘記了點酸種麵包，下次必定要品嚐酸種麵包……今次點窩夫麵包，脆口的麵包，再配上軟綿綿的牛油果，相當match & match ……#柚子汁脆炸雞翼（兩隻）：脆卜卜的雞翼，香煎加上柚子汁，好惹味又開胃，小吃必選。#Yogurt & Pineapple ：乳酪含了豐富的乳酸菌，鮮菠蘿酸酸甜甜，口感很清爽……此店飲品份量都很足，秋夏天之選，大口大口飲都仲可以繼續飲。#Mocha Mocha：香濃的朱古力，K先生最愛的了，問他口感如何？他

旺角當然多嘢食😛但性價比高 又有質素嘅cafe就唔易搵依間貓頭鷹主題cafe 文青得黎岩打卡又飽肚 絕對係朋友聚會食晚飯嘅好地方👍🏻最推介嘅係set dinner套餐食物豐富😍頭盤有意大利熟火腿芝士沙律配酸種包同周打蜆湯酸種包好特別 鬆脆嘅口感配新鮮嘅沙律令到胃口大開🥪周打蜆湯更加令人驚喜 忌廉味好濃烈又creamy 仲有粒粒蜆肉🍲至於主菜有安格斯牛板騝 🐮🥩肉質鬆軟有口感 牛味重又香 我最推介👍🏻👍🏻另外仲有自家製蕃茄醬配阿根廷紅蝦藍青口意粉🍝新鮮蕃茄醬汁味道控制得好 唔會太酸 又唔會係假蕃茄醬嘅死甜 有解膩嘅感覺😁除咗套餐外 仲另叫左個羊架🍖賣相好吸引 火候控制得好 亦都煎得好香😛但唯一有少少偏油膩飲品方面叫咗兩杯green tea latte 🍵好濃郁😎甜品有心太軟同焦糖燉蛋🥰心太軟外脆內軟 焦糖燉蛋亦都好滑完全為成個套餐 做咗個完美嘅作結☺️The Yell-Owl Cafe (旺角)旺角通菜街29號地舖

這間咖啡店位於旺角，主打多國菜西餐，環境寬敞舒適，水泥風的牆身有幾分型格，採用簡約的木系傢俱，有少少日系的悠閒感。香煎比目魚扒配薯條及檸檬牛油汁 - $128大大塊比目魚扒煎得外脆內軟，薄脆的魚皮毫不油膩，雪白肉厚的魚肉軟嫩滑爽，滿嘴魚脂香；軟糯的焗茄子及黃瓜片，有少少酸甜的鮮番茄芝士醬，平衡肉膩感，更有金黃酥脆的粗薯條。原隻龍蝦牛油果沙律 - $168肥美飽滿的波士頓龍蝦，拆出緊實有彈性的龍蝦身肉，有著又香又甜的肉汁，更有大量甘香的龍蝦膏，伴以新鮮翠綠的牛油果沙律，口感輕盈清新。Stawberry Violet - $38顏色層次分明十分夢幻，蝶豆花有著淡淡的木香，牛奶幼滑細膩，香甜的士多啤梨有少少果肉。Chocolate - $32濃郁的朱古力鮮奶幼滑細膩，更有漂亮的洋蔥心心拉花。

要去買對波鞋遲D旅行著，完成任務後又到開餐時間，行落兩條街去呢間食。上次食過佢個超值二人餐 ($198)，今晚想試吓其他菜式，就豪D單點啦。手機落單，可惜想食嘅燒鷄售罄，唯有再選擇其他主菜。未食主菜先叫個凱撒沙律配燒鷄 ($68)開下胃口，以碗代碟，份量足夠二人份。燒鷄肉入口又幾滑喎，仲有少少焦香味; 再有香脆煙肉碎及沙律菜，加埋烚蛋片令成個沙律顏色更突出。差唔多食完沙律，主菜陸續出場，先有草飼牛柳配法式蛋黃醬配忌廉焗薯 ($168)，賣相精緻，擺盤與QR CODE張相近乎相同。件牛柳有十安士，切開內裏仲有少少紅色肉質嫩口，咬後有肉汁流出，配以少少芥末食，唔錯。佢個忌廉焗薯片都幾香滑，絶對要食埋佢。之後到加拿大保濕豬架配忌廉焗薯及蘋果蓉 ($178)，發現忌廉焗薯變成薯角。件豬架有相當厚度，又係十安士，”安躺”於蘋果蓉上。雖然有相當厚度，但切起上黎都幾易切，配以蘋果蓉一齊食，可解肉嘅膩度，甜酸度岩岩好。再嘆返杯”餐後啡”，Matcha Latte ($32)入口先有綿滑奶泡，然後有帶甜嘅抺茶味，飲完就似食咗個液化版抺茶布甸。

超級貓頭鷹全日餐❤性價比高! 食材分別有龍蝦1隻 蟹肉牛油果酸種包 班尼迪蛋 英式豬肉腸 大啡菇 扒蕃茄 煙肉 薯餅 沙律 焗豆 牛油粟米。龍蝦有都算幾多膏，肉質爽口~ 而班尼迪蛋唔算好流心，下面有煙三文魚同pancake做底，一咬落去就覺得好滿足! 大啡菇同扒蕃茄烤得唔錯，食起黎好juicy~ 落小小胡椒鹽調味，份量十足，材料夠哂豐富，飽肚之選! 😎周打蜆湯😋湯既質地較稀入口順滑，但一飲落口就充滿牛奶同忌廉既香味，口感細膩，而且佢地既蜆都好大隻，味道鮮美，層次豐富。😆加拿大保濕豬架 (10 安士) 配忌廉焗薯及蘋果蓉❤黎自加拿大無污染既豬，用高科技保濕技術令豬鞍保存充足水份，所以食起黎啖啖肉汁，肉質鬆軟，口感嫩滑，肉味非常濃郁，配埋清新小甜既蘋果蓉，食起黎更加出色，一D都唔油膩。仲有幾片茄子上面有小小茄汁+芝士同炸薯角，好味!🥰特濃蛋漿卡邦尼意粉🤤D醬汁真係好濃厚! 意粉煮到軟硬適中，淡淡既蛋香味，每食一啖就覺得好香口。😋

之前有食過九龍城店的The Yell Owl Cafe, 而旺角店的環境則比較光猛，座位較多，周圍都見到貓頭鷹的蹤影，價錢比一般cafe 抵食，lunch set 只需$62 起，午市更不設加一。我們沒有點lunch set, 單點了一份原隻龍蝦牛油果沙律$168, 原隻龍蝦很有睇頭，很吸睛打卡，將波士頓龍蝦起肉跟牛油果沙律撈勻，再釀返上龍蝦殼上，龍蝦肉鮮甜，配上酸種麵包一齊食，變得很高級。加拿大保濕豬架，有10 安士，大件厚身，醃得入味，外邊煎香，切開入邊仍是粉嫩的，肉汁保持，肉質鬆軟，口感嫩滑。配菜的忌廉焗薯不是薯蓉，而是薯塊，更有口感，蘋果蓉就可中和肉的油膩感。美好的主菜配上咖啡，正。

同朋友👩🏻‍🎓一齊喺旺角佢👩🏻‍🎓話想食西餐，咁我哋喺呢條街行吓望吓，因為呢度有好多小餐廳🍽️，路過呢度，我記得食過，幾好味，問朋友👩🏻‍🎓意見，佢👩🏻‍🎓話都好，咁我哋就入去開餐🤣$73「燒春雞（半隻）配薯條及沙律」配「周打蜆湯」「周打蜆湯」先上，湯底夠滑夠creamy，仲有幾隻大大隻嘅周打蜆🤩「燒春雞（半隻）配薯條及沙律」：燒春雞外皮燒到脆脆哋🤩，雞肉就軟熟好雞味😋；炸薯條🍟亦出奇地好味🤣$168「原隻龍蝦牛油果沙律」：龍蝦身🦞嘅肉起咗，然後撈埋牛油果粒🥑，放番喺龍蝦殼度，好食🤩；龍蝦鉗廚師已經剪開咗啲，好容易食，裏邊有好多肉，美味🤩$32 Latte：夠濃滑😋$32 Long Black：都係夠濃滑😋$48「巴斯克芝士蛋糕🍰」：唔係好甜，好 creamy，相當滑🤩

朋友去旺角食dinner，我地經過呢間西餐廳，見到呢度既二人dinner set做緊特價，兩個人只要$198，超抵食！呢度用qr code 落單，好方便。我哋點咗呢個特價二人晚餐，頭盤係意大利熟火腿大孔芝士沙律配酸種包同埋周打蜆湯。雖然價錢唔貴，但質素依然保持到好高質，酸種麵包口感結實，配上意大利黑醋，好開胃。蜆湯好creamy，好味道。主菜有安格斯牛板腱，牛扒嫩滑多汁，配上薯條,扒露荀及扒蕃茄，好豐富。另外仲有自家製蕃茄醬阿根廷紅蝦藍青囗意粉，紅蝦大大隻，加埋新鮮既青口，正。可以加錢轉特飲！我哋仲點咗沙律同埋甜品。

放工同朋友黎到旺角搵食，上網搵到呢間好多人介紹既「The Yell-Owl Cafe」。呢間cafe 係貓頭鷹🦉主題，入到去環境雅緻，周圍都放有好多貓頭鷹🦉擺設同佈置，好可愛😍另外，環境亦好闊落又乾淨，仲有上層位置呢，環境夠哂大。餐廳亦用左好柔和既燈光，令人坐得好舒服，好warm🧡💛入到去坐低，餐廳都係用QR code 落單，而且圖文並茂，非常方便。佢地餐牌種類好多，有全日早餐、扒類、意大利飯及意粉、意大利軟包薄餅、牛角包🥐窩夫三文治、沙律🥗、湯、小食、甜品🍮、飲品🥤等等。最後點左以下款式：💮蛋黃野菌黑松露意大利飯 $128上到黎份量一啲都吾少，Risotto煮得剛剛好，吾會太硬。撈埋個生蛋黃就更加creamy同突出。💮限時特價二人餐$198✡️頭盤✴️意大利熟火腿大孔芝士沙律配酸種包✴️周打硯湯一般出面都係普通一個包/湯就算，呢度真係落足心思，酸種包軟熟配埋新鮮生菜、蕃茄同火腿芝士🧀️，好美味😋個湯亦落足硯肉，好creamy好滑、好鮮甜。✡️主菜✴️安格斯牛板腱（6oz)配薯條、扒露荀及扒蕃茄牛板腱我地選擇左7成熟，一切開勁多肉汁滲透出黎，而且肉質粉嫩，食落肉質超嫩滑又夠腍身，再配埋佢個黃芥末醬

由九龍城開到元朗，再開到旺角，這家餐廳有一定實力，所以分店又開一家在西洋菜街上，這家餐廳散發著非常舒適的感覺，吸引我去試一試服務也是不俗出品小食🍤吉列阿根廷紅蝦+$28蝦肉堅實熱辣辣，配個沙律醬，口味不錯🐥柚子汁除炸雞翼+$28甜甜的柚子汁配脆炸單骨雞翼，口味温和🐗加拿大🇨🇦保濕豬架配忌廉焗薯 蘋果蓉$178非常厚切！足有一吋厚的豬架煎得出色，全熟又不會鞋，肉汁豐盈，小小一條油脆邊正好作個點綴，蘋果蓉口味甜美，中和了豬鞍架的油膩感忌廉焗薯口味比想像creamy ，入口即化，加上有茄子跟翠玉瓜，營養均衡

放工想獎勵自己，來旺角試下All day breakfast先！呢間cafe係九龍城好出名架。全日早餐遠近馳名，近期開到旺角，即刻來朝聖Set For 2（原價$428 ， 特價$198）Appetizer 頭盤1️⃣意大利熟火腿大孔芝士沙律配酸種包嚟試下頭盤先😀❤️絕對係開胃菜！豐富嘅口感。火腿夠鹹香而且芝士夠濃郁，酸種包有咬口！賣相都幾精緻呢～2️⃣周打蜆湯不能錯過！湯底鮮甜奶滑，不會太膩，蜆隻夠鮮嫩！Main 主菜安格斯牛板腱(6安士)配薯條,扒露荀及扒蕃茄牛肉夠濃郁，口感不錯！五成熟恰到好處！薯條夠多又酥脆！邪惡又美味，旁邊的露荀加埋扒蕃茄帶出鮮甜和清新！整個搭配好平衡！自家製蕃茄醬阿根廷紅蝦藍青口意粉以自家製嘅蕃茄醬為底，加上阿根廷紅蝦同藍青口，味道鮮美。意粉麵條煮得啱啱好，配上醬汁同海鮮嘅組合，有豐富口感同層次感！荔枝玫瑰芝士蛋糕（原價$48，跟餐有特價）全餐vip！荔枝玫瑰🌹係絕配，很芬芳有果香，甜度亦是恰到好處！超級貓頭鷹🦉全日餐$208 （龍蝦半隻Half Lobster)超級豐富！相信呢個全日早餐絕對係招牌，有龍蝦，蟹肉牛油果酸種包，班尼迪蛋，英式,豬肉腸，大啡菇，扒蕃茄，煙

星期日嘅旺角實在太多人，想靜靜地揾間cafe坐下~仲要有lunch set & 下午茶嘅話真係要推介呢間！我嘅to-eat-list之一黎！因為平又好食又坐得舒服！今日叫左個特價2人餐!點解可以咁扺！？食左好多野，仲要清枱！😝🙈🔹周打蜆湯🔹 勁濃滑，超足料！🔹意大利熟火腿大孔芝士沙律醒酸種包🔹超好食，個包脆得黎唔會硬！大孔芝士同熟火腿好fresh~🔹安格斯牛板腱配薯條蘆筍蕃茄🔹牛板腱5成熟好juicy & 好有牛味~無諗過呢個價錢食到嫁！🔹自家製蕃茄醬阿根廷紅蝦青口意粉🔹個意粉辣辣地好開胃，好野味~大大隻紅蝦好正~🔹柚子汁脆炸雞翼🔹鹹鹹甜甜脆脆👍🏻🔹芝士墨西哥粟米片配酸忌廉牛油果醬🔹配酸忌廉醬好特別，牛油果醬好溶，心機之作~🔹Yogurt Pineapple 🔹成塊燒菠蘿，好打卡dable!🔹Dragonfruit & Kyle🔹未飲過嘅健康味道，係好味嘅火龍果羽衣甘藍果汁~🔹巴斯克芝士蛋糕🔹質地好棉滑~但又唔會膩~🔹荔枝玫瑰芝士蛋糕🔹香甜荔枝同玫瑰香~食唔停~

Yell-Owl在旺角通菜街。進餐廳後見到黃色霓虹燈的貓頭鷹，加上店內擺設和背景播放着柔和的音樂，感覺溫暖，和外面就是著名的女人街形成強烈對比。我們叫了【特價限時二人餐】，原價四百多特價後二百，可以轉配特飲，加配小食和甜品，相當抵吃。【Passion of Yell】熱情果味突出，夏天渴消暑解喝很合適。【Banana Milk Shake】喝得出是用鮮香蕉製作，雖是Mike shake但不覺很heavy，口感軟嫩，幸福感滿滿。【意大利熟火腿大孔芝士沙律配酸種包】紅、黃、綠顏色繽紛，番茄、蔬菜鮮爽，吃起來感覺很fresh。【周打蜆湯】大約有四五粒鮮甜蜆肉，濃稠中帶奶油般軟滑口感。【安格斯牛板腱】牛肉厚身，肉色紅潤，肥瘦適中，咬下去肉汁很豐富，肉質新嫩，質素挺高的。配菜有薯條、蘆筍、芝士焗番茄。【自家製蕃茄醬阿根廷紅蝦藍青口意粉】味道酸中帶辣挺惹味的，青口也鮮甜，吉列蝦香脆，上面灑了香蔥提味，蝦肉蝦味濃郁，蘸沙律醬吃又有另一番風味，之後我們特意加配了一客紅蝦小食呢。最後到甜品，叫了兩個芝士蛋糕，我比較喜歡【荔枝玫瑰芝士蛋糕】很特別的配搭，荔枝味清香，減低芝士蛋糕的膩感，推介之作。

行經旺角見到一間以貓頭鷹為主題嘅café覺得幾特別，所以就入去食個午餐~餐廳裝修好精緻，而且又有好多可愛嘅貓頭鷹擺設添~餐廳係有Lunch Set嘅，不過大少見到有燒羊架又話好想食，所以我地就散叫左兩個扒啦~不過就先嚟兩杯特飲 Pineapple & Peach同Blue-Sunset ，兩款都係由唔同果汁調製，味道都好清新，唔錯，最重要係啱晒用嚟打卡嘛~我嘅主菜 加拿大保濕豬架(10 oz)配忌廉焗薯及蘋果蓉，估佢唔到個豬架係咁大件，而且仲非常juicy，肉味好濃郁。而且個配菜都係另一亮點，茄子、翠玉瓜加上番茄和芝士焗，口感豐富又夠特別…真心正~大少嘅主菜燒羊架配忌廉焗薯，一客有四件而且仲係大大件嘅，真心抵食，而佢個羊冇乜肥肉油脂，又冇羊羶味。大少以極速KO就知有幾好食啦~