Video
Read full review
2022-11-17
9030 views
間唔中都會同朋友去觀塘嗰間「譽宴．星海」飲下茶，今次相約一聚，就揀左嚟銅鑼灣呢間「星海薈」。呢間酒樓嘅環境真係一流，唔單止樓底特高，而且佈置得非常瑰麗典雅，配以場內嘅旋轉雲石樓梯、浪漫花海、璀璨奪目嘅水晶燈，裝潢極具氣派，好適合用作婚宴場地。嚟到剛好係下午茶時段，一於剔多幾個點心，坐低慢慢食、慢慢傾。鮑魚汁炆鳳爪 ($58) 鳳爪以瓦煲上，好大隻，份量十足，而且炆煮嘅時間啱啱好，又腍又入味，加上鮑汁完全滲透晒入皮下，入口膠質豐富。紅燒王子乳鴿 ($68) 乳鴿大小適中，送上來時已經切成四件，入口皮脆肉嫩，皮薄多汁，毋須蘸點任何調味料吃，已相當滋味。鵪鶉蛋燒賣 ($38) 燒賣沿用傳統做法，在豬肉上放上熟鵪鶉蛋，再蓋上白色燒賣皮，豬肉嫩滑有肉汁，同鵪鶉蛋簡直係絕配。XO醬炒腸粉 ($48) 腸粉好滑溜，質地軟硬適中，XO醬味道亦唔會太濃，配合銀芽、蔥段同香口嘅芝麻，非常惹味！香菇銀絲蘿蔔酥 ($34) 千絲酥送上時仍熱辣辣，外皮好鬆化，入面釀滿了香菇絲同蘿蔔條。香菇低脂、蘿蔔清甜，食落完全無油膩感。另外呢碟欖菜肉鬆炒飯 ($118) 水準亦唔錯，炒得鑊氣十足，飯粒乾爽，欖
間唔中都會同朋友去觀塘嗰間「譽宴．星海」飲下茶，今次相約一聚，就揀左嚟銅鑼灣呢間「星海薈」。
呢間酒樓嘅環境真係一流，唔單止樓底特高，而且佈置得非常瑰麗典雅，配以場內嘅旋轉雲石樓梯、浪漫花海、璀璨奪目嘅水晶燈，裝潢極具氣派，好適合用作婚宴場地。
嚟到剛好係下午茶時段，一於剔多幾個點心，坐低慢慢食、慢慢傾。
鮑魚汁炆鳳爪 ($58) 鳳爪以瓦煲上，好大隻，份量十足，而且炆煮嘅時間啱啱好，又腍又入味，加上鮑汁完全滲透晒入皮下，入口膠質豐富。
紅燒王子乳鴿 ($68) 乳鴿大小適中，送上來時已經切成四件，入口皮脆肉嫩，皮薄多汁，毋須蘸點任何調味料吃，已相當滋味。
鵪鶉蛋燒賣 ($38) 燒賣沿用傳統做法，在豬肉上放上熟鵪鶉蛋，再蓋上白色燒賣皮，豬肉嫩滑有肉汁，同鵪鶉蛋簡直係絕配。
XO醬炒腸粉 ($48) 腸粉好滑溜，質地軟硬適中，XO醬味道亦唔會太濃，配合銀芽、蔥段同香口嘅芝麻，非常惹味！
香菇銀絲蘿蔔酥 ($34) 千絲酥送上時仍熱辣辣，外皮好鬆化，入面釀滿了香菇絲同蘿蔔條。香菇低脂、蘿蔔清甜，食落完全無油膩感。
另外呢碟欖菜肉鬆炒飯 ($118) 水準亦唔錯，炒得鑊氣十足，飯粒乾爽，欖菜不死鹹，肉鬆香口，配埋翠肉瓜粒一齊食，口感好豐富。
甜品點左香芒糯米卷 ($30) 同 招牌酥皮焗大蛋撻 ($30)。糯米卷好軟熟，外皮沾滿了椰絲，面頭嘅芒果十分鮮甜，入口啖啖滋味。
蛋撻味道亦不俗，酥皮比例多又夠厚身，加上蛋漿濃稠度恰好，大大件，食完好有滿足感。
Post
