Video
Read full review
2019-07-17
290 views
平日星期六放假都會訓到自然醒，但上星期男友話想去睇展覽，約早少少去食個午餐之後先去，所以係銅鑼灣揀左依間日本菜餐廳，專食日式廚師發辦，我地下午一點黎到，已經有好多客人，好在有仲有張窗口位枱，可以一邊食一邊望住大廈外既景色，好耐無試過假期日光下食午餐，感覺心曠神怡午餐餐牌有壽司或刺身同熟食定食之外，都有廚師發辦可以點，所以我地揀左叫一個廚師發辦-澤.板長定食同一個十二件壽司既櫻.特選壽司定食，每款定食都附有前菜、茶碗蒸蛋、漬物、味噌湯、甜品同餐茶飲品先送上前菜薯仔沙律，沙律上面有脆脆辣醬，薯仔蓉好軟滑，薯味好強烈，食落唔會感到鞋口，配個脆脆醬咁食都幾惹味過癮，味道比想像中夾之後就黎茶碗蒸蛋，同一般食到既食材唔同，入面有白果、雞肉、冬菇，估唔到依個配搭都幾好味，蛋味好濃郁，食得出用左好多蛋漿，水比例較少，落蛋漿好足料，甜滑香嫩刺身前菜黎啦，薄切油甘魚配酸汁蘿蔔蓉，油甘魚入口嫩滑鮮甜，點酸汁食非常開胃第一次食日本北海道仙鳳趾生蠔，食落蠔味唔算強烈，但味道鮮甜爽滑，佐左柚子酸汁，帶開胃感覺賣相好吸睛既帶子牡丹蝦刺身好似藝術品咁，入口肥美鮮甜底層係中拖羅配柚子麵豉醬，煙薰過後食口腔入面帶有中拖羅
午餐餐牌有壽司或刺身同熟食定食之外，都有廚師發辦可以點，所以我地揀左叫一個廚師發辦-澤.板長定食同一個十二件壽司既櫻.特選壽司定食，每款定食都附有前菜、茶碗蒸蛋、漬物、味噌湯、甜品同餐茶飲品
先送上前菜薯仔沙律，沙律上面有脆脆辣醬，薯仔蓉好軟滑，薯味好強烈，食落唔會感到鞋口，配個脆脆醬咁食都幾惹味過癮，味道比想像中夾
之後就黎茶碗蒸蛋，同一般食到既食材唔同，入面有白果、雞肉、冬菇，估唔到依個配搭都幾好味，蛋味好濃郁，食得出用左好多蛋漿，水比例較少，落蛋漿好足料，甜滑香嫩
刺身前菜黎啦，薄切油甘魚配酸汁蘿蔔蓉，油甘魚入口嫩滑鮮甜，點酸汁食非常開胃
第一次食日本北海道仙鳳趾生蠔，食落蠔味唔算強烈，但味道鮮甜爽滑，佐左柚子酸汁，帶開胃感覺
賣相好吸睛既帶子牡丹蝦刺身好似藝術品咁，入口肥美鮮甜
底層係中拖羅配柚子麵豉醬，煙薰過後食口腔入面帶有中拖羅既油甘香味，好好味
壽司分別係平目魚、拖羅同左口魚邊，三款壽司食材都鮮嫩無比，當中拖羅油分極高，勁肥美之餘，一食入口即溶
之後到海膽拖羅蓉手卷，店員建議我地先食手卷，因為怕紫菜過多陣會淋左，所以二話不說先食手卷，紫菜非常脆口，滿滿鮮甜海膽，入口好creamy，閉上眼不斷咀嚼，真係好享受
Omakase 定食中我地揀左A4和牛，和牛上面放左秋葵，和牛煎過汁煮，入口好濃郁牛味，亦軟熟無比，醬汁好滋味，味道令人忍唔住要配飯食
而另一個櫻.特選壽司定食係十二件不同款式壽司，賣相份量十足，件件壽司都相當肥美
當中既北海道帶子食完係叮一聲，入口完全無雪甜之餘，非常鮮甜嫩滑，爽口無比，係第一次食到咁甜既帶子，而另一件好欣賞既係平平無奇既呑拿魚，一般食落都會帶少少腥味，但依件係完全無腥味仲要食到有魚油香，都係第一次食到咁正既呑拿魚，另外既三文魚籽拖羅蓉甜蝦、中拖羅、蝶魚、油甘魚、立魚、池魚、拖羅蓉海膽、金線鯛、梳子魚、燒右口魚邊，通通壽司款式都係以當造食材魚配選，有幾款係平常會少食到既魚都有，質素一樣咁高
最後飲返個麵豉湯暖下胃，味道唔會太濃
同埋超好味解膩既柚子雪芭，食完透心涼，滿足喔
Post
