嘉年華吧 (Under Renovation)

山長水遠入到沙田見客，晚餐到底食咩好呢？其實我有少少想食雞粥！不過朋友話想試呢間嘉年華吧！感受下氣氛喎！咁好啦！打電話吧幾適合睇波！有無敵大電視。令我想起"人黎幫我吊高佢" 。。。。我哋兩個笑到騎騎聲！當日好早就嚟到呢度所以呢未到氣氛最好嘅時間！呢度嘅裝飾好有嘉年華感覺！仲有足球機，標機等等。。。足球機響我公司嘅pantry 有一部，平時食完飯冇嘢做都會同啲同事切磋兩下！今日就食個簡單啲嘅晚餐先點左佢哋嘅特色沙律。內容十分之豐富有火腿，燒牛肉，雞蛋，芝士，燒雞肉同埋豐富的蔬菜！份量大配上特色的千島醬！兩個人食完都應該得飽飽地！接着叫咗個鵝肝牛肉漢堡，菜同埋酸菜等等會分開上，客人可以按照喜好加入配料。我最喜歡就係偷望呢一片鵝肝，打開個刻特別驚喜。煎得外脆內嫩的鵝肝，配上分量十足的牛肉！牛肉Juicy . 漢堡包呢塗滿牛油10分香口！不錯不錯！估唔到側邊嘅薯條香脆可口，雖然係配菜但係絕對唔馬虎！呢度仲有特色嘅雞尾酒供應，可惜我要趕返屋企餵貓，如果唔係一定坐定定很受下呢一個咁快樂嘅嘉年華感覺！買單大概都係＄400左右，幾抵食呀而且座位舒適！有時唔一定需要係新城市廣場到同人迫啦！