M Kitchen (Closed)

呢間餐廳嘅嘢食就出名大大份嘅，我梗係要試下啦，好期待食到個肚腩都出曬嚟呀。係商場入面，一直行就到，幾方便。待應嘅服務態度超好，對於我呢啲諸多要求嘅人都一直好好，真係feel到佢哋真係服務滿分呀！烤美式豬肋骨配薯條呢個菜上枱個陣有少少嚇親！好大份呀！！豬肋骨有成七條骨連肉。調味好正，肉入曬味，個醬好正！肉質好軟，同時又好嫩，一切就開，又方便分！沙律菜嘅伴碟同埋一籃嘅薯條，真係好大份架！龍蝦汁大蝦墨魚麵墨魚麵比較少見，於是就嗌嚟試下。份量一樣超多，就嚟多到滿晒。墨魚麵好掛汁，每啖都食到濃濃嘅龍蝦味，大蝦爽口彈牙。晚餐仲可以加錢配餐湯、特飲同甜品。餐湯洋蔥湯香濃，甜品都好有誠意，燒餅外脆內軟，正！