金御海鮮酒家 (Closed)

星期日，午餐時間，約埋個女一家三口一齊喺天后搵食，咪諗住試吓呢間飲茶。㸃知超難食，破壞曬難得嘅見面時間。（1）碟鴨腳扎塊腐皮油溢味十足，件鴨腳咬一口就成碟放棄了。（2）好大碟蛋散，好似浸油浸到我叫佢才起，食到成口油。本來是我的至愛，而家搞到有「油炸恐懼症」🤮👎🏻（3）雪山叉燒包餡都ok，但個底硬堀堀。（4）山竹牛肉好大粒，同雞飯一様不過不失。埋單二百幾蚊，之後成日都有啲唔舒服，成肚油咁，都唔及條氣唔順。