金御海鮮酒家 (Closed)

今天向公司請了半天假，午餐時間不受限制，但撞正午膳時間周圍的餐廳也非常多人，找個位置也非常困難，加上天氣非常炎熱，很想立刻弋有冷氣的地方休息，便和朋友提議去酒樓飲茶，因為位置比較好找，而且也可以慢慢嘆一嘆。棉花雞不過不失，正常水準咖哩鮮魷蒸粉絲米粉吸收晒鮮魷的鮮和咖哩的味道，非常好味👍🏻蝦餃蝦餃係我去酒樓必定會點的點心，可惜此蝦餃除了皮厚外，還破皮了，令到內涵非常乾😰牛柏葉正常水準之作，也是飲茶必點的點心煎釀尖椒感覺現在已經比較少酒樓有這點心，所以見到即刻點。 尖椒有少少辣，非常野味👍🏻芒果布丁最後叫了一個芒果布丁作為甜品收尾。

酒樓位於天后週邊位置，街道人流較少，酒樓生意不足。星期六上午08:20到達，客人不多，入座率約三成。酒樓內部環境可接受，但是洗手間環境較差，地上有很多廢紙和多處積水。酒樓大廳侍應人數不足，服務不到位。點心即叫即蒸，熱辣辣。鮮竹卷味道正常，但餡料偏少。蝦餃大粒，蝦肉彈牙。馬拉糕味道不錯，但略為細件。叉燒腸粉很釨吃，值得推介。棉花雞份量太少，不抵吃。乾蒸牛肉，大大粒，好味道。炸菜蒸肉餅飯，抵食好吃。整體來說，味道可接受，價格平宜。

今天與長輩行完維多利亞公園的花卉展覽，大家都需要找地方歇腳。因早上才吃過豐富的早餐，大家也不是很肚餓，於是在附近找間酒樓坐下。就在興發街看見金御海鮮酒家，因還未到中午十二時，故還容易找座位。這裡點心種類也算多，還有一些午市套餐可供選擇。因長輩仍然飽肚，我們只叫了一個點心拼盤和一碟川芎白芷燉魚頭分享。六福點心拼盤（$28.80）六款點心包括鮮蝦餃、燒賣皇、蒸粉果、叉燒包、馬拉糕和薑汁糕。說真的，賣相真是麻麻，但食物質素不過不失，以此價錢有六款點心已十分抵食。川芎白芷燉魚頭（23.80）湯底尚算香濃，只是魚頭不算是大件頭，味道都算ok。整體而言，由於地點接近維多利亞公園，距離天后地鐵站也是數分鐘路程，想到此歇腳也是不錯的選擇。

天氣涼涼地，朋友提議去食火鍋，話呢間好平168任食任飲話去試下，其實我地主要都係大家見面傾計，因為我地真係好多年朋友一見面就係甘傾😛😛😛😛😛呢到坐得幾舒服，服務招呼都吳錯👌👌👍食物一般，我同朋友都鐘意食菜同🐟，菜類同魚類都👌，其他就一般，食曬D魚同菜已經食吳落其他嘢了，如果係有個地方傾計舒服又吳使睇住時間，呢度都屬於好坐，但如果要講求食物質素就麻麻地，不過如果任飲吹下水都吳錯😄😄飲品都有十多款罐庄飲品，都算吳錯😉😉

星期日，午餐時間，約埋個女一家三口一齊喺天后搵食，咪諗住試吓呢間飲茶。㸃知超難食，破壞曬難得嘅見面時間。（1）碟鴨腳扎塊腐皮油溢味十足，件鴨腳咬一口就成碟放棄了。（2）好大碟蛋散，好似浸油浸到我叫佢才起，食到成口油。本來是我的至愛，而家搞到有「油炸恐懼症」🤮👎🏻（3）雪山叉燒包餡都ok，但個底硬堀堀。（4）山竹牛肉好大粒，同雞飯一様不過不失。埋單二百幾蚊，之後成日都有啲唔舒服，成肚油咁，都唔及條氣唔順。

一行11人晚飯，事前無準備，即興打邊爐，本身喺北角，所以無咩選擇，唯有求其揾，有朋友發脾氣，一揾到呢間酒樓，就即刻book。動身過去，以為係天后出口嗰間，點知谷歌大神話唔係，跟住行去海旁，附近真係無咩餐廳，以為行錯，後黎見到好細既招牌一個，走過去，門口好冷清，個職員仲話“入黎啦，有旅行團餐食”，真係O 左咀，上到去仲要得4張枱有人，啲朋友即刻懷疑會唔會好食，想問我罪……一睇comment...好多負評，坐低左就無計。坐低十幾分鐘都無人理我地，要我地自己問拎火鍋紙先有，點左醉雞鍋(+$68)同埋芫荽皮蛋鍋，仲有一大堆食物，本身諗住應該質素好一般，點知材料又出奇地好味醉雞鍋，真係好足料，好重酒味同藥材味，鍋入面真係有藥材一直煲住，雞肉好滑好新鮮芫荽皮蛋鍋，一般啦，同出面一樣材料：肥牛，極之推介，以為普通貨色，一黎到仲諗緊有無黎錯，好靚既肥牛，我朋友因為呢碟野，曾經問我係唔係收$300一個人，嚇到我即刻問一問幾錢位，原來只係$138一位，仲要6個人有一個免費牛肉粒，同樣驚喜之作，食落好好味出前一丁，無錯，真係出前一丁，而唔係公仔麵or 大光麵，仲要未開封魚蛋，好彈牙其他野就同出面一樣，不過不

其實之前都去過幾次，雖然唔係特別好味但可以接受。 今朝如常同老公兩個人去飲茶嗌咗六個點心， 啲燒賣超難食， 蘿蔔糕又一pat野， 但係其他算正常。 我哋嗌咗個粥但呀姐冇落到單， 另外個叉燒包等咗半個鐘頭都未嚟，期間問過一個阿姐同一個超大肚腩嘅經理， 追咗好耐等到發脾氣早走算數， d staff一句道歉都冇 埋單嘅時候仲話唔嚟咪唔好嚟囉。我知道佢哋係做街坊生意， 價錢係算平，但係天后其實一街都係做點心， 平過佢又好味過佢嘅都有， 100%唔會再幫襯

環境3分：中式酒樓格局但裝修有D婚宴feel，OK光猛，正常三分。衛生3分：見到啲碗碗碟碟枱布都幾乾淨，都係正常三分。服務1分：明明間酒樓有四成空枱，但就係要你搭枱。坐低咗又要你搬兩次，但你又見到有啲兩個人坐六人大枱，又唔畀你搭埋去，就係識夥記同唔識夥記嘅分別。我唔識夥記咪扣曬分算數。味道1分：1)      脆香鮮肉韭菜角非常之油膩，同埋好明顯係返炸，扣兩分。2)      山竹牛肉球非常之淋，但冇咩味，扣多一分。3)      粟米咸豬骨粥比較正常，豬骨真係非常之骨，冇肉，要扣多分。抵食1分：飲早茶嚟講環境同衛生都算好，不過服務態度同點心質素咁差，幾平都唔會抵食，畀盡一分。

1-12-2017去食火窩任飲任食。自取了一支紅酒享用，開時和飲都無出聲。食緊野時有個黑衫女部長不禮貌地講了四五次不可浪費食物要罰錢，還阻住再點火窩料。紅酒飲完好久後那部長經過又講要收開瓶費$50。最後硬都到要收開瓶費$50仲要加一。其實安格斯肥牛第一碟都OK, 但之後嗰碟咬都咬唔開。咁我問其他枱帶紅酒點解唔使收，她解釋啲客訂枱時己通知帶紅酒！,其實加埋一收$55，跌都跌左啦，豪俾佢下次無幫襯啫！

因為近屋企，所以尋晚去左金御食火煱任食 $158/位（全包）飲品選擇不小，也包雀巢雪糕，可以食2.5小時。首先，有些中式小食、餸可以叫，豉汁炒蜆好惹味，黑椒牛柳粒好大碟牛柳粒有點難咬，海鮮沙律卷個皮好厚，口水雞雞肉滑個汁好香麻辣味。清湯/沙爹湯底就冇乜朱，但有些自助 bar 可以自己加沙爹醬，脆鯇、鯇魚、鱔片都好新鮮，鯇魚頭/魚雲更是好此道者的首選，豬膶不太新鮮，響鈴有點油益味。普普通通，間中食下都可以嘅！但有點漏單情況出現。

今晚一行四人近近地在這𥚃晚飯。特價蒸魚1條 $48.80，忘記了影相，所以用了餐牌，接近1斤左右，肉質蒸得剛好，豉油不太鹹，吾錯。义燒 $108 ，有點硬有點乾，吾太值。咕嚕肉 $88，汁不多也不夠味，但件肉都算外脆內軟，可以啦。海皇什菜煲 $98，好多料好大煲，蝦、吊片、鮮魷都吾少，個湯淡淡地，好彩都夠熱。送西瓜及綠豆沙，埋單 $460。整體來說，普普通通。

天后有很多食店，剛好走到金御海鮮酒家門前，看到海報寫著HK$48一隻片皮鴨，恐防有詐，於是睇埋啲細字，優惠期只到至7月31日，很失望，但我還是問了接待員，她說現在還有這個優惠，然後剛好有兩個叔叔級侍應聽到我們的對話，熱情地說：「一定有得食，我實留比你！」「好正o架又抵食，嚟試吓啦！」盛情難卻，即管一試。可能因為位置偏僻的關係，客人實在不多，看看餐牌，有很多選擇而且仲幾抵食添，叔叔侍應A立即幫我們落一隻片皮鴨，然後叔叔侍應B又極力推介我們吃蒜蓉蒸大元貝，只需HK$19.8！侍應和送餐姐姐或食客亦有講有笑，氣氛很和諧，久不久又會問：「啲餸好唔好食啊？好食就多啲嚟幫襯啦！」我亦真心希望他們生意可以好一點，因為這裡有一種很難得人情味。千島汁明蝦球(HK$58)，賣相非常吸引，香噴噴，蝦球大大粒，足料又好味，正！必食指數：4粒星金銀蒜銀絲蒜大元貝(HK$19.8)，大元貝不算是非常鮮甜，但配上蒜蓉粉絲也很惹味，以這個價錢實在很抵食！必食指數：4粒星紐西蘭聖子皇(HK$78)，大大隻聖子皇，共有四隻，很惹味。必食指數：4粒星廣式片皮鴨(HK$48)，片皮鴨數量不少，味道也不錯，不過不夠熱，而且用來

1，當日下午時，已經打電話問此優惠之詳情，當時員工話$19.8一隻，可以任叫，都|無任何附帶條件，當晚都有去惠顧此優惠，一開始已經sales其他餸菜，食完首輪2隻蟹，有人走來告知，唔可以只食大閘蟹，一定要惠顧其他餸菜，否則大閘蟹正價計。2，當日5:45pm,已經入坐，6:00pm第一次落單2隻大閘蟹，6:45pm告知，忘記落 單，同時話無貨要食就等，同時告知可以叫其他餸菜可以很快上到菜，7:45pm，第一次所叫的大閘蟹上枱啦！7:55pm，第二之落單，8:20pm告知又忘記落單，告知要等30|分鐘以上，我都同時加單加多2隻大閘蟹(在此之前只叫大閘蟹ᦁ 2;無叫其他餸 菜)，8:30pm,第三之加單，加其他餐單上的餸菜，8:45pm開始有餸菜上枱同時連同之前所叫的大閘蟹，突然可以很快上到枱，覺得根本不想提供此優惠，所以用很多籍口推遲! 3，當晚7m已經想走，什麼都無食過，但告知一樣要結帳，一樣要比茶位茶介 !大閘蟹，問心$19.8算ok, 果皮蒸鮑魚，唔老 苦瓜頭腩，個味就好，腩就無咩肉

因有朋友邀請我們到這間酒家試菜，我立刻便答應朋友的邀請，出席這次試菜飯局。我本身都有聽過這間酒家，因為本人在中午的時間偶爾都會光顧中環的分店，印象都覺得不錯，但天后的分店都是第一次來，但經過這次的飯局後，我想日後還有第二次第三次光顧的機會……其實本身一般對試食都會有些期望，因為酒家定會準備他們的招牌菜來招呼我們，不再多序述了，先介紹他們的菜式及圖片

好耐冇上openrice寫食評,今日忍唔住再寫係因為有d恨鐵不成鋼,想佢生意可以好d,可以在天后區生存耐d,咁我可以唔駛飲貴茶.金御在天后區可說是好抵食的酒樓,食物好ok,價錢相宜,地點方便,地方又大,但生意唔知點解硬是差強人意,我次次去,無論早午晚,都唔駛等位,即入. 我作為食客就梗係好開心唔駛等啦,但總怕有一天佢唔覺意執鬼左就弊.我星期日同家人去飲茶,5個人食到食唔落,計埋茶錢先二百零蚊. 記得的有以下食物-點心拼盤: 燒賣金黃味道好,蝦餃皮薄多汁,素餃材料足,素菜飽正常啦,仲有一樣唔記得係咩豬骨菜乾粥: 料多粥綿灼菜: 唔油膩,夠大碟炸菜雞肉腸粉: 軟滑鳳爪排骨飯: 正常好味叉燒飽: 熱辣辣甜薄礃: 唔係度度有得食,外皮軟綿,甜度適中另有一平日八點幾飲早茶,三個人至$78,抵過去大家樂食早餐. 難得係食物好食嘛.不過不得不彈的是,酒樓地毯好似好耐冇洗,我成日想問究竟佢地幾耐至吸一次塵,洗一次地毯呢? 就算我貪平,已經隻眼開隻眼閉,唔在乎好多其他嘢,都會覺得咁簡單的地方清潔唔難做啫,點解唔做呢? 真係恨鐵不成鋼架.仲有就係員工服務,對住d客好ok架,但私底下佢地會嘈交,仲好大聲,d