Video
Read full review
2017-05-07
325 views
第二次來，試真d先出食評。呢間絕對係高質的車仔麵，但係要識選擇配料。睇個門面已經知係新派車仔麵，佢材料醃/滷方面做得幾好，所以黎到呢度要識得叫d 比較花工夫既配料先會抵。對上一次黎，叫左芝士腸豬紅粗加腩汁，另外再加牛油雞翼。豬紅好得，唔腥無石膏味，好值得食，今次黎食已經賣哂.....牛油雞翼開單骨，即炸非常有牛油香，落好多炸蒜，非常香口。今次黎食，叫左個痳辣流心蛋豬腩肉伊+ 拍青瓜。之所以話呢間車仔麵要選擇工夫野黎食係因為咁先食得出佢的調味同食材的質地選擇做得非常好。 同傳統車仔麵比，湯底梗係無人地幾十年腩汁比，濃香不足，故此食材質素搭夠，所以嚮度食普通過唔普通既腸仔獅子狗是不智的（個人覺得）但係觀乎我的拍青瓜，細細一碗$18 但係有相當多的醃料，非常夠味又唔係只有強烈痳辣，食到最好有非常多料剩嚮底。另外唔好睇豬腩咁深色，其實入口味道夠但唔會咸，應該唔係熬左好耐，但係味道又幾好，某d滑某d鞋，如果口感做到一致會更好流心蛋是味付的，所以食得好順口好開心由於無豬紅，所以叫左腐皮角，可有可無（如我前述，即恰既材料無咩特別）總結整碗配合得幾好，沒有一種材料特別咸特別搶，但各自本味做得好，只係$
呢間絕對係高質的車仔麵，但係要識選擇配料。
睇個門面已經知係新派車仔麵，佢材料醃/滷方面做得幾好，所以黎到呢度要識得叫d 比較花工夫既配料先會抵。
對上一次黎，叫左芝士腸豬紅粗加腩汁，另外再加牛油雞翼。
豬紅好得，唔腥無石膏味，好值得食，今次黎食已經賣哂.....
牛油雞翼開單骨，即炸非常有牛油香，落好多炸蒜，非常香口。
今次黎食，叫左個痳辣流心蛋豬腩肉伊+ 拍青瓜。
之所以話呢間車仔麵要選擇工夫野黎食係因為咁先食得出佢的調味同食材的質地選擇做得非常好。
同傳統車仔麵比，湯底梗係無人地幾十年腩汁比，濃香不足，故此食材質素搭夠，所以嚮度食普通過唔普通既腸仔獅子狗是不智的（個人覺得）
但係觀乎我的拍青瓜，細細一碗$18 但係有相當多的醃料，非常夠味又唔係只有強烈痳辣，食到最好有非常多料剩嚮底。
另外唔好睇豬腩咁深色，其實入口味道夠但唔會咸，應該唔係熬左好耐，但係味道又幾好，某d滑某d鞋，如果口感做到一致會更好
流心蛋是味付的，所以食得好順口好開心
由於無豬紅，所以叫左腐皮角，可有可無（如我前述，即恰既材料無咩特別）
總結整碗配合得幾好，沒有一種材料特別咸特別搶，但各自本味做得好，只係$65 嚮呢條好多西餐廳的街上面絕對係交齊功課合格有餘。
Post
