有囍 (Closed)

有囍主打東南亞美食， 佢嘅辣度是一般人係可以接受嘅。 除此之外有好多明星都光臨這間食肆。佢嘅環境十分寬闊唔會有擠逼嘅感覺， 員工服務態度良好， 面帶笑容，說話禮貌， 有賓至如歸的感覺。 上菜時間會較快。冰鎮咕嚕肉，係近期主打嘅食物， 佢嘅咕嚕肉同坊間會有些少不同， 小弟建議咕嚕肉需等片刻時間， 因為需要冰鎮，若果太快進食就會同坊間嘅咕嚕肉大致相同，那就沒有什麼驚喜呀! 所以需要稍候片刻等一等才進食。另外佢哋嘅咖哩軟殼蟹， 係本人最推薦大家食的， 軟殼蟹皮脆內軟， 加上咖哩嘅話 特別好食。 本人食過最好食嘅咖哩，十分開胃，令你想一試再試。炒飯會有少少辣，不過都可以接受炒飯會係粒粒分明 ，可見火候以及飯控制得好好。甜品本人對推薦的是椰皇燕窩，燕窩份量十分足夠， 而椰汁配搭燕窩，令燕窩更加好食， 再配上椰肉那就perfect match!!若果喜歡食東南亞美食嘅朋友，這間有囍就一定要試!!!