Video
Read full review
2017-05-18
53 views
之前聽蒸氣鍋就聽得多，一直以為只係一種普通煮食方法，直到今次係度食完先知原來一個鍋食到最後都可以保留所有食物既原汁原味。老實講食蒸氣鍋任何一間食既方法都差不多一樣，放食材落去蒸完就食，所以食物質素就變得非常重要，當然時間控制都緊要，除非你對自己煮食都好有經驗，如果唔係好似我今次第一次食就要靠侍應去幫我決定，而呢度侍應都好樂意解釋唔同時間同食物次序蒸完出來既味道俾你聽。我相信所有人都一樣開始食係放米飯係底，我地就加左排骨、蝦米同蕃薯。一開始蒸個蒜蓉開邊龍蝦，只係睇見都吸引，食落先知保留原隻鮮味，肉質飽滿，食半隻都足夠。肉丸有兩款豬肉同鯪魚肉，個人比較喜歡豬肉丸比較彈牙有肉質。而鯪魚肉味都好夠濃。紐西蘭刀貝蜆，帶有新鮮蜆肉味道同質感，後來上網睇返資料原來大有來頭，係由紐西蘭比較偏遠而礦物豐富既海域捕獲。薑蔥蒸石蠔，果然無失望，就算蒸熟縮水之後呢度既石蠔都好大隻，好有蠔味，肉好棉，一咬即開！可用鮮甜多汁形容！最愛最愛食蠔！大元貝都係例牌蒜蓉粉絲，比較大隻肉質夠爽，食落感覺比起同其他煮法較簡潔又唔怕乾身。奄仔蟹差不多放最後，因為怕食蟹花時間同蒸太耐，但原來建議要先放雪櫃等佢失去知覺，咁到蒸時唔
老實講食蒸氣鍋任何一間食既方法都差不多一樣，放食材落去蒸完就食，所以食物質素就變得非常重要，當然時間控制都緊要，除非你對自己煮食都好有經驗，如果唔係好似我今次第一次食就要靠侍應去幫我決定，而呢度侍應都好樂意解釋唔同時間同食物次序蒸完出來既味道俾你聽。
我相信所有人都一樣開始食係放米飯係底，我地就加左排骨、蝦米同蕃薯。
一開始蒸個蒜蓉開邊龍蝦，只係睇見都吸引，食落先知保留原隻鮮味，肉質飽滿，食半隻都足夠。
肉丸有兩款豬肉同鯪魚肉，個人比較喜歡豬肉丸比較彈牙有肉質。而鯪魚肉味都好夠濃。
紐西蘭刀貝蜆，帶有新鮮蜆肉味道同質感，後來上網睇返資料原來大有來頭，係由紐西蘭比較偏遠而礦物豐富既海域捕獲。
薑蔥蒸石蠔，果然無失望，就算蒸熟縮水之後呢度既石蠔都好大隻，好有蠔味，肉好棉，一咬即開！可用鮮甜多汁形容！最愛最愛食蠔！
大元貝都係例牌蒜蓉粉絲，比較大隻肉質夠爽，食落感覺比起同其他煮法較簡潔又唔怕乾身。
奄仔蟹差不多放最後，因為怕食蟹花時間同蒸太耐，但原來建議要先放雪櫃等佢失去知覺，咁到蒸時唔會爭扎太多令佢斷手斷腳。約十分鐘後可見好多蟹膏蒸完都流出來，蟹膏好香，蟹肉好多，可以慢慢拆，只需連埋蟹膏食已經好好味，反而覺得落調味料會食唔到新鮮蟹肉既感覺，正呀！
最後放埋和牛片，就咁睇賣相已經好吸引，流晒口水！侍應都有問你想食幾成熟，我就選擇左五成同七成兩種，好多肉汗同口感好軟。
最後緊係有一個壓軸軟棉棉既排骨粥，就係剛才所有食物既精華都流落個粥底，當然排骨入味，加上有蕃薯令碗粥都非常好味，就咁望見都以為食唔晒，但因為太好味，結果慢慢食下一碗又一碗都食完。
同時有個蒸菜芯，因為用蒸煮既菜好少食，原來都好爽脆。面頭仲有好多梅菜，呢個配搭好好，唔會剩係蒸幾條菜心，一啲都唔馬虎，好好食！
非常滿足既一餐！超超超超正！
Post
