禮記自助蒸氣鍋 (Closed)

以前要到冬天先會食火鍋，時至今日，火鍋，蒸氣鍋店林立，真係一年四季都可以嘆到火鍋。上星期去左九龍灣總公司開會，有同事就介紹我去常悅道嘅”禮記”自助蒸氣鍋，嘆下D海鲜。 價錢相當超值成人$118,小童及長者$75，真係平到您唔信餐廳相當寬落、坐得非常舒適、一D都唔逼佢地有自助蒸氣鍋同自助火鍋兩款給客人選擇，而我地就鍾意蒸氣鍋，每枱仲奉送海鮮一客，包括 海中蝦……蝦肉晶瑩通透，相當新鮮，爽口彈牙。 石貝……好大隻，唔會有沙，肉質鮮味。 蜆……蒸熟後，蜆蓋打開，蜆肉鮮甜無比。 另外，其他鍋料亦相當齊全，各類丸食，豬牛羊相當齊全，特別係鯇魚腩，非常新鮮，鲜甜無比。呢餐食得相當滿足，價錢實惠，所以值得推介俾各位一試。